Hello !
上回講到參觀完 美瑛駅 之後 ,
過隔幾條街既油站入油 , 跟住上 四季の塔 , 呢個 四季の塔 ,
就在下面張相既左上角 , 實在太近 . ^_^ !!
入油期間見到有部自助洗車機 , 不如順手洗埋部車 ,
叫做清一清D昆蟲屍體 . 於是乎駛過黎呢邊 , 拎200Yen出黎 .
入落去揀 A餐淨水沖洗 , 為時大約兩分鐘左右 .
準備好未 ? 拎定支噴鎗 , 大家各就各位 , 1 ~ 2 ~ 3 開始 ...
洗車時冇手影相 , 只可以影完成圖 , 唔講唔知 , 支鎗後撞力好強 ,
單手楂佢唔住 , 一定要用兩隻手 , 一場火拼之後 ,
絕大部份污糟野都清晒 , 只係剩番D頑固乾屍 .
職員都睇唔過眼 , 仗義幫拖補多兩飛 , 不另收費 . XD
喂 ~ 唔該晒喎 , 第日飲茶 , 我既 ! (呢句日文點講呢 ? ) haha ...
點解仲未滿 ? 因為我只係入左2000Yen , 並不是打爆油缸果隻
下一站過隔離 四季の塔 .
美瑛町長 浜田 哲
豎琴型噴水池 , 好有特色 .
黎番張大合照 .
上去咯 .
R 字展望室丫 , 唔該 .
上到頂乜都唔駛講 , 影相得喇 . ^^
都係圍住個圈咁影啦 .
四圍都係平房 , 攪到好似好高咁 .
介紹部份建議物名稱 .
圓頂果間係圖書館 .
繼續參觀 .
角位 .
中英日韓繁簡體 , 認真交足貨 .
見唔見到今晚 白金溫泉 ?
梗係唔得啦 , 都唔知邊個方面先至係 . =_= !!
落番地下 , 過隔離果座 , 呢度好似係政府辦工廳咁款 .
5號窗係 保健福祉課 .
1號窗 住民生活課 戶籍窗口 . (唔知有冇 庶務二課 ? ) XD
攪掂走得 , 上車咯 . 唔係呢部呀 , 車牌都唔同 . ^_< !!
呢款白色 Prius 隨街可見 , 市場率甚高 .
借佢黎做背景影埋呢張結案陳詞啦 .
Bye Bye !
感謝 Man Wai 提供以上資料
Man Wai的網誌: http://1226manwai.blogspot.hk/
