2014 * 韓國之旅 ( Day 1 - 機場 )

17.10.2014

今次行程 , 用了今年最後一張免費票 , 即正係比 341 蚊的機場稅就可以來回韓國-首爾 . 地勤跟空姐一樣要 Standby 及睇 DOJ ( Date of join ) , 16 號睇架機仲係無位 , 但 17 號卻多了 3x 個位 , 原因唔多講 .

小地勤 1930 下班 , 乘坐 2150 起飛的首爾機 , 當晚小地勤一個人坐三個位 , 係機上訓足全程 . 大約 0300 到達首爾機場 . 過完關 , 攞完行李 , 到 Arrival Hall 時已經快 0400 了 . 選了便利店前的長椅就繼續訓到有機鐵為此 .

當時 , 見到全機人同小地勤一樣都係訓機場 . 我地三個地勤訓得好安心 . 因為我地每人霸了一張長櫈 , 再將所有行李夾係中間 , 貴重物品當枕頭 , 哈哈 ... 地勤另一特技係任何時候都訓得著 !

去慣旅行 , 訓慣機場 , 所以要準備咩野 , 我地都好清楚 . 基本上 , 小地勤屋企個篋長期都唔執 , 最鐘意係不理世人眼光 , 係機場用 mask ... 哈哈 ! 通頂唔用 mask 就老得好快 , 我要 keep 住年年 25 歲 !