今次返香港玩幾天,見証咗一場政冶運動,呢個運動原本叫佔領中環,學花旗佬的佔領華爾街,簡稱佔中,不過唔知點解又佔埋銅鑼灣,旺角等地?班友仲想玩大些,揮軍北上元朗插旗,計劃佔完元朗後跟著上水,粉嶺等地,遍地開花作為政治本錢,可惜在元朗遇到商戸和市民抵抗,無法插旗,無功而退,我在 facebook看到恭賀元朗成為第一個反被佔領的地方.
我本身無政冶黨派背境,亦無立場,不過遇到好多不方便,好似從馬交回來的那天早上,所有從港澳碼頭開出的巴士全部取消,無法搭巴士經红隧過海轉搭大埔巴士,而地鐵入口亦局部關閉,因我約好朋友在大埔飲茶,焗住搭的士經西隧過海到大埔,連50元隧道费差不多300元.兩公婆搭巴士30多元,可慳番不少.
在旺角購物亦諸多不便,好多商店因佔中的示威者和反佔中者打架,要提早拉閘關門,小女想買些韓國仔的货物,亦無法買到,其實班友阻住好多商戸做生意,對旅遊購物人仕帶來不便,而且又嘈吵,對住在附近的居民亦引起不滿,如此攪法,未見其利,先見其害.
============================================
感謝 wai 提供以上資料
wai的網誌: http://ngwai.blogspot.hk/
============================================
