泰菜夜

一年一度出旺角body check

旺角,年輕時係我成日蒲既地方

但到今時今日,我竟然覺得旺角有點可怕

今日準時六點收工,走去灣仔站搭車

平時返將軍澳,我會係銅鑼灣站上

今日過去旺角,所以就行去灣仔站啦

地鐵站口已經好多人,要慢慢行,迫迫迫咁入去

我怕迫,所以我會選擇行樓梯

幾經辛苦,迫到上車

搭一個站到金鐘,又要再去迫上另一架車..好得人驚

我係油麻地落車,平時會係彌敦道行過去

但唔知彌敦道情況,我都係行砵蘭街

砵蘭行,大家知啦..又黑又暗,又落貨,又推車,又企街....

終於去到做body check,我約埋朋友仔一齊

做完大家就去食飯

朋友仔介紹去女人街入面食泰國菜

行入女人街我先知,原來女人街而家咁多靚餐廳

行無耐就入咗去一間叫 "紅辣椒"既泰國餐廳

裝飾就無乜特別,地方算濶落

三丁人,瘋狂點菜

啲菜上得好快,好香,好夠鑊氣

樣樣都幾好食..係咖喱比較一般

同朋友一直係咁吹水吹水..

因為我真係好多年無試過放底悠悠自己同朋友食飯啦

大家傾左好多,過咗好愉快既一晚