這兩天好大風, 明顯地涼咗好多, 大家要穿多件外套保暖. 同樣這兩天時時諗緊秋冬又可以煮一些比較特別美食. 例如: 羊腩煲 (嗯!.....講起哩個餸我發覺大部份男人都好鍾意食)
雖然唔明白他們點解咁鍾意, 但確實羊腩煲真係冬天最多人愛煮愛食美食. 所以嚟緊星期六有親戚到訪, 到時就會煮番個秋冬之寶 ~ 羊腩煲來招呼吓大家喇!
![]()
材料
蘆筍 (7 條 - 斜切片), 雞脾肉 ($20 - 已切粒)
蒜頭 (4 粒 - 切片), 乾蔥 (1 粒 - 切片)
醃料
生抽 (1 湯匙), 糖 (1茶匙), 胡椒粉 (少量), 油 (1 茶匙)
調味料
日式醬油 (1 湯匙), 味醂 (1 1/2 茶匙), 紹興酒 (1 茶匙 - 贊酒用)
做法
1) 雞脾肉清洗乾淨, 抺乾水份, 用醃料醃約 30 分鐘, 備用.
2) 蘆筍清洗乾淨, 刨去外皮, 斜切片, 備用.
3) 開火下油, 下蒜片及乾蔥爆香, 加入雞肉粒炒勻煮 2 分鐘, 贊酒, 下蘆筍同炒勻, 下日式醬油及味醂調味, 加蓋煮約 2 分鐘, 再兜煮一會就可盛起食用.
