![]()
|
|
Diwali 拜神祝福
|
Diwali 是印度一個大節日,中文叫屠妖節,排燈節,萬燈節,通常十月尾至十一月頭,一連五天慶祝,呢位朋友叫我上星期六晚去他家飲酒吹水,不過因為那天晚上我唔得閒,冇去到,想起呢位印度朋友,我冇見他有一年多,他前幾天 send 咗呢張近照给我,發福肥咗好多,又使我想起一些往事.
大約兩年多前我的一位朋友問我,他有一位印度新來的朋友,在我家附近租咗一間房住,他剛到步未有車問我可不可以載他返工一個至兩個星期?剛好他找到的一份工離我做工的工廠不太遠,我說好吧,傾談之下知道他幾年前在花旗做黑市居民,地盆佬份工捱咗好耐一直等美國政府大赦,但等到頸都長仍未有大赦,後返回印度結婚,他太太以學生身份來墨爾本攻讀碩士學位,他只有依附他太太的學生居留簽証,他要打工幫太太交學费,和他們的生活費,他說一到步就搵到這份清潔時薪工,真是非常好彩.
他告訴我他太太就快畢業,希望畢業後能搵到一份筍工,可入紙申請居留,他雖然是老粗一名,但好叻仔,醒目又識講嘢逗人開心,他說在墨爾本認識咁多人之中,我是他幾位永世難忘的人之一,真唔真呀,他在呢間清潔公司做咗兩年多,最近升為 supervisor,若果有網友子女來澳洲工作假期 working holiday ,未找到工作,想找一份臨時散工做,可以和我聯絡,因他的公司最近有散工職位空缺.
============================================
感謝 wai 提供以上資料
wai的網誌: http://ngwai.blogspot.hk/
============================================
