已來過好幾次嘅 Amore，今日同一班飯友一齊來飯聚，嘻哈一番。很喜歡這裡的環境，環境寧靜，食物出色，但今晚多了我們這班飯友，當然會變得不再像以往般寧靜，希望餐廳唔會因為我們而收到其他客人嘅投訴啦！哈哈！
意大利餐廳不再是只食 pasta & risotto，Amore 最近就新推出咗一個海鮮拼盤，有生熟兩款選擇，完全可以迎合到大家嘅喜好。生海鮮有鮮甜生蠔、爆膏麵包蟹，仲有爽口鮑魚，而熟海鮮有新鮮龍蝦肉、大隻帶子、青口、香味焗蠔。個人一向比較喜歡食生海鮮，所以生海鮮盤絕對係我嘅至愛。
這晚除咗有我喜愛嘅海鮮盤外，還有多款頭盤呢！
當然還有我至愛嘅鵝肝啦！每次光顧，這都是我必點嘅食物之一，這款鵝肝拼盤還是我第一次品嚐，除咗有我喜愛嘅煎鵝外，還有鵝肝意大利雲吞，絕對是不能錯過的一道頭盤。
吃畢頭盤後，就來了香濃嘅黑松露牛肝菌忌廉湯，這亦是我每次嘅必選之一啊！
頭盤、湯後，當然少不了的主菜啦！人多，食物嘅款類都可以嚟個大包圍，試多啲唔同嘅款式。
過往嚟到主菜我都會有選擇困難症，去到任何一間餐廳見到有羊架，我都會必要，但這裡還有我喜愛嘅鵝肝牛柳意大利飯。所以過往我都希望我嘅食伴能選擇其中一款，讓我試上一口。但今晚沒有了這個選擇困難症，兩款我喜愛嘅主菜都出現咗响我哋嘅餐桌上。肉質嫩滑嘅澳洲羊架，再加上入口即溶嘅鵝肝，一次過滿足了我兩個願望。
主菜已經食得飽飽，但還有甜品要上桌呢！大少奶最愛、必食推介… 厚多士！不會過甜再配上雪糕，美味之選！
甜品還有 tiramisu、焦糖布甸、 心太軟等等！皆因我被稱為酒鬼，tiramisu 能夠酒濃多少少就更好喇！
============================================
感謝 事頭婆 提供以上資料
事頭婆的網誌: http://pamdinningtable.blogspot.hk/
============================================
Amore di Italian Restaurant
Italian Tomato Café (馬鞍山店)
嘉美軒精細潮州菜
彩晶軒 V Cuisine (荃灣分店)
Fish & Chick (西環店)
欣圖軒 Yan Toh Heen
恆河咖喱屋 Hin Ho Curry Restaurant
大戶屋 Ootoya (太古店)