探險家攻略 > 休閒玩樂 / 城中探秘 / 美食之旅 / 旅遊 > 主題公園 / 特色景點 / 餐廳 / 長線旅遊 > 新山。Hello Kitty Town

新山。Hello Kitty Town

由平凡人於 2014-10-31 02:00:00 發表 | 累積瀏覽 1590

分類：主題公園長線旅遊餐廳特色景點；地區：其他

< 新加坡﹑馬來西亞8天遊 >

第二天（續）

由新加坡過橋，唔洗幾分鐘已經到達馬來西亞新山^^新加坡同新山距離就好似香港同深圳，大家都係一橋之隔非常近，所以好多到新加坡玩既遊人都會順路到新山走走，不過我地就特別啲係調轉，因為到馬來西亞所以先順路到新加坡望望^^新山最出名最多人去既地方應該係Legoland，我地唔會去Legoland啦，反而去左Hello Kitty Town，夠晒低B^^

入境馬來西亞後，落到地下就係一個好大既巴士總站JB Sentral，可以搵到前往酒店既巴士

前面就係今晚住既酒店KSL Hotel & Resort，酒店下係一個大商場，買野好方便

去到酒店就要兵分兩路，一方面要係酒店拎房，另一方面要趕係租車公司關門前去到攞車；今晚我就住係呢間房啦，但得我一個人住訓唔晒兩張床！

其他房間都ok

由酒店向外望風景好靚，全部都係平房可以望到好遠好遠

啲屋有少少歐洲感覺！

而朋友們亦都順利係租車公司拎到車，呢部又新又舒服既車將會陪住我地之後四日旅程



上車後首先去到位於海邊既荔園，呢道係睇日落同食海鮮既好地方

但我都唔食海鮮，所以只係來呢道睇日落咋



對面海就係新加坡

但今日多雲與太陽無緣lu，唔緊要啦有機會再睇過



離開荔園，去搵地方食馬來西亞第一餐；好多人都話新山呢道治安唔好，我地拎住太多貴重野暫時都唔敢隨便行街食飯，所以去左一個大商場City Square，入面比較安全而且有好多餐廳選擇



去到一間叫DRAGON-i既餐廳品嚐晚餐，呢餐好好食而且比起新加坡平好多好多


離開商場時發現一間香港餐廳；馬來西亞呢道唔同地方都發現到唔同類型既香港餐廳，唔知食物正唔正宗呢？

朋友選擇酒店好細心，選呢間酒店其中一個原因係今晚酒店對出會有一個一星期一次既夜市，可以食野shopping；但萬萬都估唔到大約九點半返到酒店既時候夜市已經完結啦！大家都以為夜市一般會開到好夜，但新山呢道夜市實在太早太早結束！去到時已人去樓空！

我地好好彩係榴槤檔走之前趕到，成功買到最後五個榴槤
呢啲榴槤細細個好得意，而且好好食^^今次大家成團起因就係因為榴槤，今日終於可以品嚐到正宗馬來西亞榴槤啦，好好好食！

食完五個小榴槤大家當然唔會咁易滿足，再四出找尋榴槤，好彩係酒店另一邊發現到一個小小榴槤攤檔，而且係賣更靚既名種榴槤！

榴槤大大個好肥美，而且全部都係名種；從榴槤釘上可以分到唔同品種，有啲釘大粒啲有啲釘細粒啲

見到都覺得好食
最後食左一個貓山王，一個甜黑刺，一個苦黑刺；唔洗講都知道馬來西亞榴槤比起香港買到既榴槤好食好多好多，唔知點形容好，去食過就會知道啦！今晚食左咁多榴槤食到我食唔落咁濟，哈哈

食飽後返到酒店，咁岩又預到岩睇電視節目，睇到好夜先訓

第三天

馬來西亞第一個早上，要食個靚早餐先得，酒店樓下有好多餐廳選擇，不過難得去到馬來西亞緊係食啲特色野啦，所以就唔係餐廳食野出去搵食



去到酒店旁邊大排檔，食一個地道早餐


第一次食白咖哩麪



唔識睇馬拉文！但可以放心，因為有朋友識睇


呢個白咖哩麪比想想中淡左少少，要加多啲醬落去先有味道

朋友大力推薦既枯仔酸梅，呢個好好飲

品嚐完一個地道馬來西亞早餐，可以出發啦

路邊見到一部Hello Hitty車，岩晒今日主題，而家就出發去Hello Hitty Town，Yeah！

由新山市區去Hello Hitty Town有一段距離，車程差唔多一個鐘

Hello Hitty Town就隱藏係呢座大廈之內

上去啦，咁多卡通好易就可以搵到

門口有間Hello Hitty Cafe

門票RM75一位算唔算貴呢？（1RM大約係2.5HKD）不過呢道馬來西亞人入場係平過旅客，唔似得係香港做旅客係著數過自己香港人

入埸時會獲派一張遊戲卡，方便玩遊戲用

上去啦

正式入場

入到來全部野都係同Hello Kitty有關

好多人排隊等住同Kitty影相

唔同地方都可以發現Kitty縱影

可以玩一個叫Hello Kitty Black Wonder既遊戲；08年時呢個遊戲都有來過香港，當年我都有去玩過，而家又可以玩多次啦

當年係香港全個遊戲都唔比影相，呢道點影都得，要影返夠本

遊戲要拎住盞燈，目標係從Kuromi手上拯救Hello Kitty & Dear Daniel

首先經過一個小迷宮

迷宮之後就見到Kitty & Daniel

要係唔同地方搵出屬於自己圖案既字母出來

搵齊五個字母就成功完成遊戲啦

Melody同大家影緊相bor

如果預岩表演時間就正啦，可惜我預唔到表演冇得睇（借用妹妹影既相）

入面有一間好靚既Kitty屋（我唔記得入去要借用朋友影既相）

入面仲有其他野玩，不過我地唔夠時間所以玩唔晒所有野，好快就要離開啦；走之前經過Hello Kitty商店，全部都係Kitty

如果係Hello Kitty迷我相信會喜歡呢道，之前妹妹來過玩得好開心^^離開Hello Kitty Town就向下一個地方出發，目的地係Legoland，不過只係會係Legoland門口影張相，哈哈^^

鐘意SeeWide的分享，給我們一個Like吧！

檢舉

攻略日期：N/A

攻略地點：其他
攻略時間：N/A

是次消費：N/A

共0人比"掂"

stellaluk 於2014-10-31 07:17:56 留言
近年很多Hello Kitty 專門店開設，連香港都有，Hello Kitty 迷一定很開心！
舉報回覆
No.1

特搜總編E 於2014-10-31 15:59:45 留言
恭喜！經過「SeeWide評審團」一致通過，你的發佈已被選為推薦攻略！你不但可以獲得200經驗值，更能累積200探險里數作為開展下次探險之旅的旅費！
舉報回覆
No.2

林公子於2014-11-01 01:22:41 留言
超長編，勁詳細，正！
舉報回覆
No.3

平凡人於2014-11-01 12:20:25 留言
原文由 stellaluk 於 2014-10-31 07:17:56 發表
近年很多Hello Kitty 專門店開設，連香港都有，Hello Kitty 迷一定很開心！

呢兩年好多地方都有開店，以前都冇咁多
舉報回覆
No.4

平凡人於2014-11-01 12:20:59 留言
原文由特搜總編E 於 2014-10-31 15:59:45 發表
恭喜！經過「SeeWide評審團」一致通過，你的發佈已被選為推薦攻略！你不但可以獲得200經驗值，更能累積200探險里數作為開展下次探險之旅的旅費！

Thanks
舉報回覆
No.5