24-10-2014（第八日）
今日06:00起床，食過早餐，06:45出發，有團友天未光就出去亞丁景區影晨曦，我同大人就冇佢地咁好氣，照常出發。
上咗景區內嘅環保車，入去景點同其他團友滙合。
今日嘅天氣唔錯，冇雲，但係好凍。
入到景區，有馬幫出租馬匹去「牛奶海」，因路途遙遠，我地都冇幫襯。
我地再轉乘環保電瓶車入「央邁勇神山」景區，行得越入越覺得凍。
今日個雪山就靚喇！
仲可以見到「央邁勇神山」嘅倒影添～
呢隻狗好乖，大人又攞Ｄ饅頭喂佢。
今日個雪山咁清又咁靚，梗係要影多幾幅相喇。
騎馬入「牛奶海」，來回須要三個多小時架。
都係喺度睇吓風景就算囉！
到中午，見都冇野好影，我同大人坐電瓶車先出景點，番去噚日果度（洛絨牛場）開餐。
今次又係食番帶黎果Ｄ會自動變熱嘅即食飯，不過我都喺小賣部買咗兩碗熱騰騰嘅牛肉蘿蔔湯，撈埋落去做湯飯。
學人打吓雀先。
食飽飯又開始落雪喇！
我地就係喺呢度食野。
呢舊係乜東東！
滙合埋其他團友就乘區內環保車番酒店。
番到酒店攞齊行理就乘車出景區。
出咗景區，上番我地架旅遊巴就由「亞丁」直番「稻城」今晚入住嘅酒店。
放低哂Ｄ行理先去食晚飯，今晚又停電，要到晚上十一點至有喎！好彩仲有熱水，噚晚都冇沖涼，幾大都沖埋涼先至去食飯！
餐廳有臨時發電照明，唔駛食燭光晚餐。
横掂房間未有電，我地喺度坐奈Ｄ先番房喇～
聽日會番成都，行吓「錦里街」，下午乘航机番港。
感謝 白果魚神 提供以上資料
白果魚神的網誌: http://a991952.blogspot.hk/
稻城亞丁 (中國)
釜山水族館
Thormork 冰島高地
六義園(東京)
中環街市
藝里坊
珠璣巷
數碼廣場