5隻Q爆比卡超 逢周日快閃萌舞 @The ONE x Pockmon

「比卡超會去尖沙嘴喎! 你去唔去睇?」早前我問囝囝, 他即時答:「Pika~Pika~…梗係去啦」無錯, 我囝和我一樣, 任何卡通人物也幾乎鍾愛.

今日11月9日(星期日), 中午走到The ONE大門, 5大隻聖誕裝束「比卡超」, 正似熱烈歡迎我們.

其中一隻小卡超更駕駛著一部金紅色小飛機, 準備一飛沖天…不過, 點解露天廣場前有圍欄阻隔我們與「比卡超」呢? 我好想走進入面和他們合照喎.

不能與戶外的「比卡超」合照, 我們唯有走入商場UG2, 看看「比卡超」立體飛船.

這輛被喻為全球最大, 足足有13米的巨型「比卡超」飛船, 我們還可以走入駕駛艙喎. (內裡更有「比卡超」最愛真蘋果及真茄汁各一箱, 我都想食喎)

哎呀!! 當我們走上UG2, 為何一早已人山人海呢? 原來今日竟然是展覽的揭幕禮, 5隻真人「比卡超」正在後門進入舞台, 影相呀! 影合照呀!!

閃光燈全場閃不停, 「比卡超」真的好受歡迎.. 今次, 阿囝也成功做了小小攝石人喎!! YEAH!!好嘢!!

原來5隻真人「比卡超」是來表演早前於橫濱演出快閃舞呀!! 未來兩個月, 不定期也會於The ONE繼續跳舞, 不過只有約3分鐘, 一跳完即閃回後台了.

今日還有CBB的太太謝安琪來表演及與比卡超粉絲玩遊戲.

當然她也抵擋不住比卡超的魔力, 不單來一個愛的抱抱, 更來一個愛的鍚鍚. 第一次見真人比卡超, 及真人謝安琪, 原來兩者都比電視見到的更加靚, 更加正.

宣傳說:「超過700隻小精靈將於11月9日至2015年1月4日期間破天荒現身商場」我數來數去也數不齊700隻. 原來宣傳所指, 是掛在牆上印有700隻小精靈的海報…(吓??咁都得) 所以, 不要信廣告為妙.

飛船船艙的正中央就正正坐著頭帶飛行眼鏡的「比卡超」, 她的左右各有兩張飛機椅. 不過沒有配置安全帶, 所以坐上去就要小心.

另外,  「小火龍」與「喵喵怪」各佔一方. 不知她們會不會偷食蘋果及茄汁呢?

今個冬天, The ONE帶給大家一個超黃的X’MAS, 黃色好!! 很有革命意思, 我愛黃色, 肥嘟嘟跌跌踫踫的真人版「比卡超」走起路來十足企鵝一樣, 可愛到不得了啦!!