8 NOVEMBER 2014(SAT)
今個星期忙忙地,原本都冇打算煲涼茶。不過今朝買餸時見到有好靚又大塊嘅龍脷葉,所以就買左少少煲左蘋果龍脷葉茶啦~上次我煲完蘋果雪梨水(按此重溫)之後,小豬媽問我有冇係煲蘋果之前先用刀刮走蘋果皮上的果蠟?
原來蘋果(尤其係蛇果)通常會打一層果蠟,打蠟可以保持水果新鮮,且能防範病蟲害。不過依啲果蠟都唔係天然嘢,所以都唔好食落肚,最好就係刮走佢。
經小豬媽提醒,我今次係洗蘋果前用刀刮了一圈後發現,發現真係有啲好似頭皮屑嘅白色粉末,唔通依啲就係果蠟?睇見都真係有啲恐怖,下次如果要連皮食蘋果時,一定要加多一個步驟呀~
平日我煲嘅涼茶大肥豬都好少主動讚,不過今次飲左一啖之後,就話個味幾特別,幾好飲咁話哦!哈哈...煮嘢食莫過於聽到讚賞,等我下次再加埋豬肉煲龍脷葉愛心湯先得!
唔好睇少細細塊嘅龍脷葉,原來佢嘅功效好利害,可以止痰化咳、嗽哮喘、肺熱咳嗽、急性支氣管炎、上呼吸道炎及支氣管哮喘之用。所以趁依家當造,煲多啲嚟飲,同身體打打底先!
其他博客區
※※ SINA ※※
※※ MyBB星級Blogger ※※
※※ She.com ※※
※※ WeShare ※※
※※ theZtyle ※※
※※ U-Blog ※※
※※ SeeWide ※※
※※ BlogSpot ※※
※※ BK Milk 親子語 ※※