尋日學校下晝 4點幾打比我,
噢~ 見到個來電顯示都有d不詳預感, 學校冇事唔會打o黎
果然, 老師打o黎話小齊撞親個頭, 腫左
老師比小齊自己同媽媽講, 聽聲就覺得佢好似驚驚地,
但精神ok (咁都好d)
坐校車返屋企後婆婆影相send比我睇~
慘, 半邊額頭瘀左, 起晒瘤
見到都鄧佢痛
原來傻妹自己返課室時跑, 撞埋度門度
老師話佢冇喊, 可能都知道自己曳左唔敢喊
婆婆出古法碌雞蛋去瘀, 仲話都冇舅父細個撞得咁勁
舅父細個佢用拖鞋壓扁個瘤 XD
跟住再搽去瘀膏, 雙管齊下~
好彩小齊話唔掂都唔係好痛, 飯後照常做功課
玩貼紙
夜晚我再同佢搽去瘀膏, 仲好大pat 瘀血, 陰功 ~
臨瞓同小齊pillow talk 媽媽都語重心長同佢講唔好o係唔適當o既地方跑,
撞到自己撞到人都唔好,
小齊都應承我話好, 希望真係聽得入耳
今朝起身o黎個"高抄", 額頭仲有座小山丘,
呢幾晚都要幫佢熱敷下散散瘀
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================