健康包包自己整, 如果食開自己整0既麵包, 都有
敝處, 如果有一排懶, 你就麻煩喇, 因為原來食慣
自己整0既麵包之後, 當你好想食又無整, 係出面
買頂住癮, 你真係要小心選擇, 普通麵包你會覺
得己經好難食, 因質料問題, 感覺唔太良好, 呢個
係我0既感覺!
出爐麵包, 見到就開心啦!
搓好麵糰, 又係發-0既時候喇 ! 發到2倍大先啦 !
山合桃 + 紅莓 + 提子乾
造完型, 加埋d 山合桃及配料, 第三段發酵時間喇 !
完成發酵程序, 灑d 粉, 中間介一刀, 焗出黎靚仔木啊 !
材料 :
高筋粉 207g
黑麥粉 38g
老種 50g
糖 36g
鹽 3.5g
鮮酵母 6g ( 速發酵母3g )
奶粉 5g
水 142g
牛油 17g
饀料 :
紅莓 + 提子乾 + 山合桃
(可隨自己喜歡, 個人口味, 我就覺得合桃或
山合桃和紅莓, 提子也十分夾)
做法 :
1. 將酵母和暖水先混合.
2. 將所有材料, 包括酵母水在肉, 除牛油外, 全部混
合搓揉, 搓揉後放入牛油混合搓至薄膜.
3. 麵糰放入盆中發酵大約45分鐘, 取出平均分開兩
個麵糰, 輕輕壓平排氣, 加入合桃和紅莓及提子.
搓勻, 靜止15分鐘.
4. 跟著要將麵包造型, 放於焗盆上, 焗盆要先灑上
一些粉, 放在盆中發酵麵糰至2倍大, 面灑上少
許粉, 中間介一刀, 放入已預熱焗爐, 焗爐己先
預熱10分鐘, 放麵包入焗爐焗25-30分鐘,攪掂 !
請大家多多支持讚好吖!
