真係好鬼鍾意呢款蛋糕架啫, 又軟熟, 又香, 又滑
又好味, 又靚仔 !
巧靚仔啊 ! 老鼠跌落天秤 !
蛋白同檸檬唔記得放埋黎一齋影添 !
劃紋時間, 劃得唔太好, 好耐無整色整水, 而且
美術我基本上係零分, 哈哈 !
我鍾意, 好靚靚 做俾朋友都要整下花紋先!
好味道啊 !
材料 :
忌廉芝士 105g
鮮奶 60g (鮮淡忌廉也可)
牛油 20g
砂糖 48g
低筋粉 16g
蛋白3隻 105g
蛋黃3隻 55g
鷹粟粉 9g
檸檬汁 幾滴
雲尼拿油 1 / 4 茶匙 (可以唔落)
他他粉 1 / 8 茶匙 (我沒有放)
朱古力粉 1 / 4 茶匙 (大約)
做法 :
1. 忌廉芝士+淡忌廉先用打蛋器打勻, 無粒。
2. 牛油隔熱水座溶, 備用, 先將蛋黃分3次加入淡忌廉
芝士糊中, 再加入牛由溶液。
3. 蛋白加入糖打至8成企身，快手拌勻檸檬汁,備用。
4. 將低筋粉和粟粉混合, 過篩，拌入蛋黃芝士忌廉糊中。
輕手拌勻，加蛋王拌勻，再加檸汁拌勻。
5. 先取蛋白1/3與芝士粉糊拌勻，倒回之前餘下 2/3 蛋白
糊至均勻, 畢起2湯匙, 將2湯匙芝士糊拌入朱古力粉備用.
6. 模內底部放上牛油紙, 倒入芝士麵糊後 '櫈' 兩下,我用唧
忌廉袋, 袋住朱古力忌廉唧紋, 唧好就可以放入已預熱焗
爐, (焗爐180度預熱10分鐘)。
7. 用一個大過蛋糕模有深度0既焗盆, 裝大約2cm高0既水
喉水, 放入己準備好0既蛋糕糊, 入爐。
8. 用水浴法，以180度先焗10-13分鐘, 至表面上色，轉
145度 - 150度焗 45 - 50分鐘, 因每個爐溫有別,要注意進展,
如覺顏色深, 可蓋上錫紙繼續焗, 蛋糕熟便可取出, 取出後
'櫈' 兩下, 會有點回縮, 是正常的, 放涼架上放涼脫模！
引死人啦
