1

觀點與角度 ( 上 ) ... 續集

小地勤點滴 於 2014-11-14 20:40:03 發表  |  累積瀏覽 491

分類:

14.11.2014


真係無諗過人為求自保 , 竟然可以咁做 , 亦無諗過少爺仔投訴空姐的結果係貴賓室既我竟然會受到牽連 .


如果未睇少爺仔件事 , 可以先去睇返 . 其實成件事根本就唔關小地勤事 , 少爺仔要投訴的是負責佢個 Zone 既空姐 , 小地勤的角色係盡量令佢由不滿變做無事  . 小地勤亦做慣依種角色 , 講真 , 小地勤自問處理得唔錯 , 個客人走既時候已經笑曬口咁話希望黎緊 18 號可以再遇到我 . 況者 , 小地勤對依件事係覺得個空姐無辜 , 無啦啦比人投訴 , 以及對少爺仔既觀點不太讚同 , 是問又點會推返個波比空姐個邊 ?


可是 , 昨晚卻收到空姐呀頭既 E-Mail , 內容係空姐呀頭知道左客人既不滿 , 所以親自打電話同客人 Say Sorry . 空姐呀頭係 E-Mail 到講 , 客人好明白事理 , 根本不打算投訴 , 係貴賓室的小地勤小題大作 , 要客人投訴 . 


空姐呀頭將客人既不滿放到最細 , 無啦啦話小地勤教客人投訴空姐放到最大 , 仲要 " 粗體 " 埋兼 CC 比我地公司既 Director . 強調一點 , 小地勤一開始封 E-Mail 係無 CC 比 Director 及投訴部的 . 可想而知小地勤無啦啦食左死貓 .


封信仲有一點指責小地勤 , 講到空姐跟地勤係同一間公司 , 唔明小地勤點解要教客人投訴空姐 . 講到自己好受委屈 . 一定要 Director 幫佢作主咁 .


As we are all under the same team , there is a need for us to help each other in service recovery and not to tarnish the image of our company or our fellow colleague.


見到依番說話 , 就想嘔 !


小地勤即時向呀姐同呀頭匯報 , 其實呀頭放緊大假 . 佢一聽完小地勤既解釋 , 立即反串返空姐呀頭 . 表明小地勤個角色只係中間人 , 根據公司指引 , 接到投訴 , 小地勤係應該直接 Send 比投訴部而唔係正係 Send 比空姐呀頭 . 如果小地勤係小題大作就唔係 Send 咁少野 , 最型個句係 , 呀頭寫明 , 時發當晚同事已向佢匯報 , 係少爺仔既空中少爺朋友 XX 教佢點先投訴得入 . 如你所講我地係一 Team 人點會自己人打自己人 .少爺仔個朋友名係 XX , No special but just of your information 


講真呀頭雖然有時情緒化 , 但佢好憎人地蝦我地 . 而我地同事平日 Service 真係太好 , 太多公司人讚我地 , 而高層 , 我地更比足面 , 一向呀頭去開會都有比大老闆讚 , 讚佢帶領有方 , 成 Team 人都咁好 . 


今次依件事 , 好多謝呀頭咁信任同 Support 我 , 亦好多謝成 Team 同事平日做得咁好 , 咁有口碑 , 因此所有人都信貴賓室既小地勤係清白 , 唔會叫個客去投訴咁無謂 .


依件事亦令我看清楚人心既險惡 , 以及下次處理別人投訴時 , 一定要引導客人寫張表揚信黎保障自己 . 如果大家有機會黎花花航空既貴賓室 , 記住幫忙寫張表揚信過我 , 最好係 Send 電郵比花花航空表揚小地勤一下 , 多謝幫忙 !

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
1人比"掂"
  • 小地勤點滴 於2014-11-15 04:04:38 留言
    原文由 林公子 於 2014-11-15 03:56:55 發表
    黑暗的航空界

    放假食返餐好野吧
    有呀頭幫口講說話,我已經算好好采,慶幸最終冇人信那個空姐呀頭。不過,真係好黑暗,人心好險惡。你唔攪人地,人地都攪你
  • 舉報 回覆
  • No.2
  • 林公子 於2014-11-15 04:18:56 留言
    為保自己,先殺你保自己

    早晨小地勤
  • 舉報 回覆
  • No.3
  • 小地勤點滴 於2014-11-15 07:39:37 留言
    原文由 林公子 於 2014-11-15 04:18:56 發表
    為保自己,先殺你保自己

    早晨小地勤
    今早唔焚氣,睇返個客封投訴信,信上寫明係空乘人員寫佢知公司唔重視投訴,並教佢如何迫公司,人地寫到明,都仲屈我,勁想 highlight 返 reply 多次
  • 舉報 回覆
  • No.4

最多能輸入300字

累積瀏覽 447439

全部攻略 710

全部回應 4283