「喜‧乳酪」（Hey YO!!）本身賣乳酪起家，其實，佢嘅產品唔喺第一次食，不過，無獨有偶，兩次都唔喺食佢嘅乳酪，第一次喺佢嘅曲奇，今次卻喺佢嘅蛋糕。因為今日晏晝有小組活動，剛經過又一城嘅Taste，近門口正正有一家「喜‧乳酪」，就不如賣少少迷你切件蛋糕，等大家可以邊食邊講，喺醒唔起買多杯咖啡啫。
啲迷你蛋糕賣$8.5一件，但優惠價$20 / 3件，一共有4款味道，我哋大人連細路有近10人，索性買夠一打，款款味道要3件，咁就啱啱一打。不過，至搞笑喺佢哋無合適嘅盒去裝起啲迷你蛋糕，相中個盒喺個店員搵隔離麵包檔借用。
![bowl]()
特濃軟朱古力蛋糕
揀佢嚟試就喺貪佢層次夠，朱古力海綿蛋糕底、朱古力慕絲、軟朱古力漿，再加上粒松露朱古力，咁嘅組合，基本上都可以話無得輸，確實，朱古力味好香濃，慕絲又夠滑，好掂。
![bowl]()
士多啤梨芝士蛋糕
因為有多，自不然可以食多一件。士多啤梨成份唔多，反而主要喺上層嘅忌廉芝士蛋糕，下層嘅布朗尼底為主體，芝士跟布朗尼同樣濃郁，後者更做得唔馬虎，內裡有入咗啲杏仁碎，味道更多變。
意大利咖啡芝士蛋糕及紐約芝士蛋糕，雖然無試，但聽試咗嘅朋友講，味道同質感都唔錯。
文初都提及過佢嘅曲奇，喺朋友所送嘅雙重朱古力曲奇，曲奇味道極富朱古力香，又鬆脆，對其品牌蠻有信心。今日嚐味嘅迷你切件蛋糕，同樣，亦有相當高水準，真叫人喜出望外。
味道：8/10
環境：7/10
服務：7/10
抵食：9/10
平均每人消費：HK$8.5
餐廳資料：
Hey YO!!
九龍塘又一城 Taste (專櫃)
9833-6485
=============================================
感謝 山區麵包王 提供以上資料
山區麵包王的網誌: http://garycwm.blogspot.hk/
=============================================
好食懶做（地區分類）
8
Hey YO!!：美味由此喜
(已結業)HeyYO!!
旮旯 The Glock
旮旯 The Glock
茶墨 Tea Brush
T.O.P.商場地庫
La Famille (海港城海洋中心店)
滔滔甜品(井財街)
JUICY Fresh Juice Bar