今日係小一自行放榜日,
呢個game 下年就到我地玩喇...
真係好似講講下就到,
心情有D複雜
我覺得呢個game 留比大人玩好喇,
對一個5歲小朋友o黎講太沉重
選校o既o野唔會比小朋友知道太多, "報喜不報憂",
反正小朋友心目中讀邊間都唔會有太大分別
想當年我因為搬屋要跨網派小一, 入左一間當年只係開校一年o既小學,
我媽話我其實好似係叩門入, 唔係派位入,
因為新校比較易叩, 而且果時 d 叩門同而家係兩件事, 果時冇乜難度
我完全唔記得我有"考"過小學, 面試什麼係零!!
雖然係新校但我覺得我間小學都唔錯咖 (細個唔知其他學校有幾勁)
到我妹(細我兩年) 順勢都係入埋同一間小學
果時讀書真係好簡單... 適齡, 就近
學校課程都係適中, 唔會教深, 一年級用一年級書...
課外活動由老師揀人, 考試果個星期先溫書,
成個小學都唔駛補習, 課餘時間睇電視, 玩... 都算幾嘆
而家o的小學生一定冇咁嘆, 個個百足咁多爪, 周身唔得閒,
呢個年代做人阿媽都好茅盾, 人人都追追趕趕,
為小朋友"留白" 都好難咁...
暫時小齊o既升小策略係...揀返我自己間小學做 back up,
(希望20分仲係穩陣, 話晒我係第2屆畢業生, 冇咁多人爭啩?!)
再去面試幾間心儀私校加直資, 希望將壓力減到最低
考到的話會有得揀, 唔係就可能要搬屋比小齊返學了,
因為我間小學應該冇校車到我屋企
我妹舊年都係用呢個策略, 佢仔仔自行都 ok左,
佢比較 hea o既地方就係連直/私都冇乜考, 只係等6月大抽獎後再叩門叩返自己果區o既小學,
又比佢叩到 , 仲唔止一間...即係有得揀tim~
但睇返2008 - 2012 呢幾年o既出生率節節上升,
又唔知小齊出年interview 情況係點?!
我o既策略唔一定100% work,
但 plan 我就會咁 plan, 謀事在人, 成事在天
適時再調整策略啦~
不過第一件事應該係點樣補返我當年o既畢業證書先?!
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
