K1 一整年媽媽都天天為小齊預備茶點,
K2 因為小齊返下晝, 媽媽要返工,
唔可以日日為小齊預備愛心茶點, 要偏勞婆婆喇
不過有機會媽媽都儘量整下o既,
小齊有時對茶點會有d 期待, 特別係佢知道係媽媽幫佢預備果日...
小齊呢個星期開始換冬季校服喇,
去上日文之前會幫小齊換埋校服同整好茶點
所以每星期都有最少兩日係我幫佢預備茶點o既...
其實食o黎食去都係餅乾呀, 包呀, 蛋糕呀...之類,
係造型方面搞小小新意思
好心機又有時間我最想整生果餐, 不過又驚擺太耐唔係咁好,
所以生果都唔常帶
一般情況都會有兩款配搭, 就算一樣唔啱食都仲有得揀下
豬仔盒裡面會放一粒朱古力或橡皮糖, 有時會放提子乾
小齊應該會認為呢d 最"提神"!
有時會係呢d 朱古力
唔記得買包時會搵 d 現成o野代替
我幾喜歡買南棗合桃糕或芝麻糕比小齊做茶點, 感覺上好似健康d
朋友送o既手信好多時亦都會成為小齊o既茶點
其實婆婆都好比心機整茶點比小齊食咖, 媽媽唔識整果d 婆婆識,
好似蜜糖番薯呀, 特色三文治呀...
小齊就最好啦, 我地兩個人諗唔同茶點比佢,
成日都咁有新鮮感!
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================