L大概講左呢個皇宮的歷史俾我聽,
呢個宮殿建於1701年後, 係巴洛克時期,
本來屬於 Graf Philipp Reinhard von Hanau住的,
L話頂層有間小房係當時的國王偷情o既地方喎...Ohlala~~
後來法國入侵, 拿破崙就俾左佢細妹Borghese 住,
於是入面就改變成classicistic style~~
再後來, 又被修建, 改用了historicistic style啦!
依家除了成為博物館, 更加可以被人book來行禮影結婚相。
L話佢都有諗過將來結婚係呢到搞。
呢間餐廳係宮殿入面, L話可以俾人book來搞party, wedding等等.
但係呢, 依家大門深鎖, 可能係因為裝修。
再來去了行小教堂,
係佢媽咪上次生日book來搞party的,
如果係呢到行禮亦都唔錯咁話...
我都覺, 點都好過香港地係酒樓/酒店搞,
又貴又無特色!!
不過, 係邊到搞都好, 最重要係一對新人的幸福同大家對新人的祝福! : )
今晚, L媽咪請我地去食傳統的德國菜,
佢地推薦我食呢一道叫green sauce的菜色,
呢一道菜係冷上的, 亦係法蘭克福名菜。
佢媽咪話我知, 聽講呢道菜係歌德好鐘意食o既, 所以就成為當地名菜啦!
呢個汁唔難整, 但就要有7-8種香草打成,
依家係supermarket都有得買現成,
但當然無咁傳統正宗啦!
我已經盡量食, 但食左三粒蛋,
都咪話唔滯 (仲要, 我已經無食個黃),
加埋杯大啤酒, 我真係飽到上腦。
由於佢地兩母女都係老師,
呢餐飯佢地講起L早兩日叫學生上堂時作文的事,
佢話成班學生都大叫好慘,
之後佢話: come on, the next day is school outing. Then is public holiday and weekend!
所以覺得上堂做多D功課唔過份。
我, 作為香港土生土長香港人,
接受慣填鴨式教育好自然咁問點解你唔開一大埋功課俾佢地放假時做呢?
佢地立即say NO! 仲話佢地放假係唔洗做功課的。
我就好葡萄地話: 係香港我地每日都已經有功課, 如果有Long weekend或假期,
老師會開出更多功課俾我地做ga!
佢地話: 難怪你地亞洲小朋友無我地咁懶, 而且咁聰明。
我就話, 呢d係逼出來的,
我寧願好似你地咁唔洗做咁多功課呀。
之後再講起我地香港連BB都要開始上堂學呢學路,
佢地又是一臉驚訝......
