【維基開戰之先贏一仗】經歷重重波折，王維基的香港電視網絡昨日終於開台，並以李心潔孭飛、講述選舉黑幕的《選戰》作為開台劇。身為無綫舊將的陳志雲及鄧特希昨看過《選戰》首集後激讚不絕。志雲直指劇集拍得有真實感，認為能衝擊電視行業。而鄧特希則謂無綫製作完全無得比。
以特首選舉黑幕為題材的港視劇《選戰》，由李心潔、廖啟智主演，黃國強任總導演，編審則是黃偉強。昨日港視開台，《選戰》被選為開台劇，首集已引起極大迴響，不少業內人士激讚。
現為商台首席智囊的無綫前總經理陳志雲，昨在商台觀看《選戰》後大讚說：「節奏明快，題材好好，好聰明將一啲社會發生緊嘅事、大家關心嘅話題，應用咗係另一個場景，好似有啲對白場景喺佔領中環度講過，好有共鳴。」志雲更稱有美劇feel：「係好有一套美劇《紙牌屋》嘅影子，但係我唔會話佢哋（港視）係抄，因為有好多本地元素，我只會話今次畀佢哋刺激到，而且個拍攝手法，印象中本地製作係冇，好有真實感，令到人會專注去睇！」
 ■陳志雲大讚港視開台劇《選戰》有美劇feel，又認為今次對電視是一個衝擊。
|
 ■鄧特希寸爆無綫脫節，與內地及亞洲地區製作相差太遠。
|
蕭若元：要解決網絡問題
《選戰》幕後班底來自無綫，會否覺得有點諷刺？志雲說：「以前冇做，唔代表做唔到，TVB班底到咗新環境，尤其係網絡傳送，唯一要睇係淫褻同不雅刊物條例，可以鬆好多。」他覺得今次對電視是一個好衝擊、有競爭、有比較：「ATV係有個牌，佢有好多重溫，觀眾離開咗佢唔會返嚟，而《來自星星的你》只係喺啲盒子播，但都大紅。」
 ■蕭若元收看《選戰》時斷線多次。
|
 ■《選戰》首集開場已令人有驚喜。
|
曾監製《壹號皇庭》和《妙手仁心》的資深製作人鄧特希昨亦大讚《選戰》的題材好及新鮮，他說：「滿足到觀眾，劇本亦吸引，製作認真，同香港其他電視台比較，已經接近電影製作，需要放好多成本喺製作度，演員亦好出色。」問他與無綫比較又如何？鄧特希即說：「無綫已經冇得比好耐啦，唔好講同《選戰》，同好多內地、亞洲地區已經差太遠，大家都忘記咗拎出嚟比較。如果只睇第一集（港視開台劇），唔係傳統電視劇睇開嘅處理方式，呢個平台係畀年輕一群，已經唔係傳統嘅觀眾。」
資深電視人蕭若元昨午在鰂魚涌辦公室看《選戰》，由於網絡不穩定，看一節斷多次，他冇癮說：「政治題材好難拍出味道，加上咁近佔中，好易令人厭倦，但我睇咗幾分鐘，覺得拍攝手法好有電影感，製作好認真，不過首要必需解決網絡技術問題。」
至於亞視長老劉錫賢給予《選戰》高達90分，他說：「作為一個製作人最開心嘅事，係任何時間講到想講嘅嘢，兩間免費電視台絕對不能做到，用一個佔領中環做opening，係前衞嘅做法。」
前無綫高層黎文卓說：「兩套劇係大台工廠式生產畀唔到。TVB劇係打幾場，跟住就食飯、談情說愛，等講完電話或阿媽煮飯後都追得番，將節湊較慢啲。但王生就好似落咗order要拍一啲同TVB唔同嘅劇集，每分鐘都有高潮。」譚小環說：「拍得好有心機，我睇咗一集覺得好有追看性。」李思欣則說：「故事貼近時事，好吸引好想睇落去。」
採訪：溫敏芝、嵐山、何慧斯、比華利
攝影：葉君海、陳順禎
 李思欣
|
|
港視開台Timeline：
http://bit.ly/1xPjXK3
（建議以平板或桌上電腦瀏覽） /蘋果日報
HKTV開台
萬眾期待，11月19日，HKTV開台了。
今日開播兩部劇集：《警界線》和《選戰》，十分好看。很久沒有看到這樣高水準、有誠意的本地電視製作，希望香港電視為創意和媒體業注入新能量，開創大局面。
由於政府的「一籃子因素」不發免費電視牌照予HKTV，她現時以網台方式營運，而網絡容量遠遠不及大氣電波，暫時直播只能同時供給40萬用戶同時收看，而據說有網民透過串流網站即時分流視頻，高峰期有逾20萬用戶收看。直播時間也只每晚提供數小時。今晚我提早半小時開機，總算霸到一個位，在facebook有很多人埋怨看不到呢。這方面唯有待HKTV投入更多資源了。時間不遷就的話，仍可以選播方式隨時收看自選節目，唔使爭位。
《警界線》在網上已看過第一集，今晚重溫，仍覺劇力十足，引人入勝。《選戰》食正近日香港為政改方案普選特首抗爭條水，如有神助，在公（義）在私（事），都令我感慨良多。綜藝節目《挑戰》，攝製隊遠赴越南韓松洞探險，也是用心之作。
祝願HKTV繼續努力，越做越好。
============================================
感謝 羊狼二世 提供以上資料
羊狼二世的網誌: http://contact_ching.mysinablog.com/index.php
============================================
