賣豬仔特式燒烤坊 (貴價脆皮燒臘)

人均消費：HKD$95

深水埗青山道一帶都有好多又平又正既野食，今日就去到燒烤坊，一心諗住食平野，又唔係帶左好多錢，點知呢間係貴野，我一行三人，只係叫左三碟普通野，就已經差唔多$300，我望一望銀包，原本都無諗過咁貴，算啦。食左先，如果好食既都叫抵食啦。

第一味就係今次推介 ─ 燒香蒜茄子

蒜蓉茄子，佢既好處係D蒜蓉真係好蓉，溶晒落條茄子度，條茄子超級入味，加上佢燒既時候唔知用左咩方法，佢又唔係好濃味，味道剛剛好，條茄子依然唔乾身，仲有D汁流出黎。大細方面就細D。佢將原條茄子一開二，但條茄子都唔係大條果隻，所以超唔夠食。


越南BB乳豬 (半份)

其實一見到個碟時，我有少少覺得似係去飲時候咁，乳豬皮佢真係做到夠脆，而且又夠光澤，肥瘦又夠好，一客半份都有10件。味道同脆道都ok，只不過份量就真係唔多夠，三個人，每人都係得三件，仲要佢用BB豬，又即係話細左D。


香草燒雞 (半份)

隻雞就細隻左D，一碟叉雞飯都多過佢，不旖都係皮脆。佢係有心做，D野食係好，但以一個燒味黎計，佢收到成$100/碟，其實有好多野比佢好。我個人而言，我不如去鏞記。


好：燒豬同雞皮身脆過乜
壞：貴呀。

光顧日期：15 November, 2012

地址 : 深水埗青山道129-135A號顯暉大廈地下2-7號鋪
Openrice : http://www.openrice.com/restaurant/sr2.htm?shopid=111714

 八十一至一百元, 燒味

============================================

感謝 易風 提供以上資料

易風的網誌: http://yikfung.blogspot.hk/

============================================