生日當天早上，我打了電話俾媽咪。其實之前一日，和她通電話時，她已經祝我生日快樂的了。我告訴她，因為係佢生我的，所以我想在生日的這天聽到她的聲音。佢答:「傻豬！你話俾車輋聽我都叫你傻豬啦。」(因為車輋以為因為佢係豬年出世，所以我先暱稱佢）我覺得媽咪呢句傻豬好好聽 我問媽咪我係幾多點出世，佢話應該係凌晨四點多，出咗世之後先天光。我更加覺得幸運，因為原來我只要早出世幾個小時，我就唔可以同daddy 同一日生日，而且我個人認為1111呢個生日日期好完美又易記。
今年生日本來Marco提議一家人去旅行, 佢已經講好放一個星期假，不過我唔想車輋請假，又要麻煩嫲嫲照顧bubu, 更重要係又冇特別想去的地方(我除咗想睇極光和動物大遷徙之外都冇乜地方特別想去，呢兩個地方都唔係話去就去），所以我選擇左喺屋企過生日。
兩仔爺一早已經講定我生日嘅朝頭早唔可以入廚房，因為佢地要預備驚喜。車輋自動自覺比平時早起身，我就留係張床度等佢哋通知先出去。廚房內掛了發光嘅氫氣球，仲有一枱生日禮物。 (生日禮物主要都係廚房玩具，遲D再寫）
今年生日雖然喺屋企過，但係我選擇咗做一D productive嘅事，我去油咗屋企鐵閘�� (樓上裝修亦於11月12日開始了）。
慶生飯去了Nineteen19, 由於生日唔想take risk, 所以去咗呢間每一次都令我地好滿意嘅餐廳。
只要有愛你嘅人和你愛嘅人在一起，平淡得嚟卻幸福。
隨咖啡附上的大個你個頭棉花糖，唔洗講都知道邊個最開心啦！
