五百蚊換回被偷走的行李 , 值嗎 ?

01.12.2014

從沖繩回來了 , 現在心情很低落 , 其實找了好幾個人呻 , 呻完亦要面對現實了 . 小地勤的散銀包不見了 T.T

今天早了一班航班回港 , 過 E 道後就去行李帶攞行李 , 一直等呀等 . 妹妹的大行李早就攞了 , 唯獨小地勤的細行李等到全部旅客散去都未出現 . 妹妹好擔心咁問 " 會唔會比人偷走左 ? " . 小地勤當時同自己講 , 可能我係職員件行李上唔到機 , 留左係沖繩 . 亦可能係條行李帶甩左 , 所以行李去左無人認領區 . 不過就算行李帶甩左 , 都仲有個細貼紙條碼係篋上面 , 我亦有個行李牌掛係上面 , 寫左電話號碼同住址 , 應該會搵到 .

去到行李部 , 等左半個鐘 , 同事不停幫我 Call 人去地牢搵 , 仲將廿幾件黑色行李拖上黎比我認 , 都無發現 . 個刻 , 小地勤好擔心 , 因為幫好多朋友買左野 , 唔見左就真係大鑊 !

一個鐘頭後 , 同事話搵到機會唔大 , 幫小地勤落定 Report 先 . 小地勤問左同事好多問題 . 當時都無意識係被人偷野 . 心諗邊有咁好采 . 可能仲係上站 - 沖繩 . 妹妹好醒目 , 提小地勤問下沖繩個同事 , 認識依位日本人都係因為佢經常黎貴賓室探我地 . 問完雄太 , 確定無行李留係沖繩 , 個刻真係好擔心 , 件行李去得邊到 ?

講真 , 我個黑色 Polo 篋用左成 8 年 , 已經好舊 , 件行李個 Handle 仲要壞壞地 , 好難先拉到出黎 , 應該唔會有人想偷我個篋 . 落完 Report , 同事話搵到件行李了 , 之後就上返帶 , 小地勤好開心咁去食左個 Tea , 再坐妹夫車返屋企 .

就係晚上八點幾 , 我開始執返件行李 , 發現唔見左放係最面既兩盒買比同事既手信 , 以及搵極都唔見個名牌散銀包 , 裡面只有一張 500 蚊及一塊我好奈以前係北京帶返黎既古玉 . 

個刻我終於知道點解今日件行李咁遲先比人搵到 . 仲要係無甩行李帶既情況下 , 無跟大隊出黎 . 原來係有人發現左我個行李無上鎖 , 而最出個位有散銀包同兩盒靚靚地既手信 . 本來可能佢偷完野想拖走佢 , 但發現原來個 Handle 係拉唔到出黎 , 所以就隋便放埋一邊就算 .

小地勤去旅行多了 , 亦大意了 , 最近都無買保險 . Bali 明知好危險 , 所以有買 , 件行李就剛好被人整爛左 , 應該保險會賠 .

沖繩 , 小地勤已經去過好多次 , 所以亦無諗到要買保險 , 結果出事了 . 同事勸我報警 , 離開機場成 6 個鐘先發現唔見野 , 邊有人信 ? 就算信 , 又要落口供 , 又要跟依樣跟個樣 , 浪費完自己時間都唔會搵返個銀包 , 所以我都唔想攪咁多 . 而且我身家清白  , 堅唔想入警局 . 再加上我又無買保險 , 唔見野都無得 Claim , 都費事去煩 ...

今日心情大起大跌 ... 本來想清左所有日記 , 但真係好單 ! 希望 ... 在明天 ... 心情會轉好 !