對於中文學習, 媽媽覺得要有適當o既背誦,
所以我教小齊唸唐詩,
o係日常生活都嘗試同小齊解釋一下唐詩, 成語o既內容/典故
小齊當故事咁聽, 抓緊興趣最重要!
我仲好有印象我讀一年級果陣有人送左呢本"看圖念唐詩" 比我
我好快已經背晒書中o既唐詩, 自此之後都喜歡讀中文,
覺得好有深意! 因為喜歡所以中文成績亦好,
成績好所以又更有興趣研究中文, 良性循環o黎!
我都想引領小齊走進唐詩o既領域~
o係小齊細個o的果陣(2歲左右)我都有比佢聽下唐詩, 睇下成語動畫廊vcd之類
果時對佢o黎講有d 深, 唐詩聽完後短期內會記得, 之後又冇左印象
成語動畫廊都係, 佢興趣唔算太大, 所以就擱下左
到而家小齊已經 4歲半, 我覺得都係時候又再拎返d 唐詩出o黎同佢講講
今次仲換左另一本書o黎試下個反應
就係呢本小天下出版o既"夕陽無限好"
本書o係詩中抽一o的字出o黎重點解釋,
因為小齊學校已經教左佢地唔少中文字
所以我就睇中呢本書用o黎"刺激"下小齊學漢字
佢見到書中已經識o既中文字興趣大增呢!
第一首正式教小齊o既係呢首"池上"
"回" 字係重點教授o既字, 所以用紅色,
學校亦已教寫呢個字
買呢本書仲有個原因, 就係佢有本賞析別冊
我當係家長用書, 睇左註釋同語譯先同小齊講
而今個星期剛教小齊登樂遊原, 小齊話"夕陽無限好" 呢句我聽過!
佢仲走去問公公婆婆有冇聽過, 當大家都識o既時候佢覺得好出奇咁! 哈哈~
o黎緊小齊話想我教佢呢首, 原因係話因為呢首佢識好多字, 山啦, 下啦, 風啦, 牛啦, 羊啦.......
咁細個其實我目標唔高, 只係想佢有興趣當故事聽,
北朝是什麼? 我嘗試用小齊已經有概念o既o野同佢解釋
北朝即係蘭陵王果時囉...小齊話"哦..." (哈哈~)
耐唔耐我會問佢可唔可以唸首詩比媽媽聽,
尋晚佢唸o既居然唔係我教左果兩首,
而係靜夜思... 我問佢點解識o既?
佢話: "公公話唸詩一定要識呢首, 所以係佢教我"
比起以上果幾首, 我估我呢個星期更適合教佢呢首,
唉 ~
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
