團購晚飯@德里.西廚, 看

之前9月的時候買了$98的2人餐團購優惠, 一直拖到11月才用~ 最初都幾乎book唔到位, 不過食店懂得變通, 話唔駛訂位, 直接去食就得, 於是找了個星期二晚去食, 希望平日少啲人~~

幸好去到即刻有位, 見到幾乎個個都係食團購餐~~ 好快點了菜, 又好快有得食~~

先飲了餐湯同食沙律~~ 沙律味道不錯, 羅宋湯都幾好飲, 反而忌廉湯好似溝了水, 好淡, 冇咩忌廉味, 唔係好得......湯係可以添飲, 於是老公都再添多一次羅宋湯~~


之後就來了雜扒~~ 其實餐牌上除了雜扒, 仲可以揀海鮮飯或意粉, 不過我們都覺得雜扒多點選擇, 而且比起飯似乎冇咁飽, 於是揀咗~~ 味道普通啦, 起碼各種肉類都有自己的味道, 薯條都幾脆, 結果食吓食吓都飽飽哋~~



隨後就有12吋pizza~~ 好彩係薄批, 唔係可能食唔哂~~ 味道都合格, 不過批上的材料不夠平均, 有一部份得好少材料, 不過批底都夠脆~~

食哂整個2人餐, 真係好飽~~ 有餐湯、沙律、扒/飯、pizza、再送2杯飲品 (不過凍飲每杯補$3, 即是要加$6), 而且唔需要另計加一, 都幾抵, 難怪幾多人買~~ 有啲人唔想堂食, 外賣都可以~~ 服務都ok, 侍應都有求必應~ 如果下次行過附近, 這間"德里.西廚"可以再幫襯一下~~

http://www.openrice.com/restaurant/sr2.htm?shopid=179892®ion=0&s=3

之後因為好飽, 周圍行吓, 就行咗去荃新天地, 又醒起這天星期二, 看電影有優惠, 於是去戲院睇吓仲有冇飛先~~

原本老公想看"單身男女2", 點知剛剛開了場又冇咩位, 於是就揀咗我想睇的"星際啟示錄"~~


坐在中間, 發現位置都唔錯, 因為剛好在通道後面, 前面冇人遮住~~ 不過老公話佢睇片的時候, 鄰座的觀眾不停說話, 影響了他看戲的心情......希望大家看電影真係要安靜, 唔好騷擾他人...


講番套電影, 可能本身細個都鍾意睇科幻故事, 基本上關於太空、科技的情節都不算好難明, 甚至覺得都幾"熟口熟面", 不算好創新, 但包裝得好有科幻感, 一路睇, 一路覺得探索太空的過程驚險萬分, 唔到最後都唔知男女主角的結果, 劇情同結局都能夠巧妙的自圓其說~~ 感動的當然是男主角和女兒的父女情, 如果沒有了愛、耐性同堅持, 他們都未必可以再一次見面......愛可以打破時間、空間的局限, 對人至為重要, 希望大家都要好好珍惜~~~

之前諗住食完晚餐就返屋企, 點知睇咗套2個半小時的電影, 真係幾充實~ 不過返到屋企真係好攰呀~~~

============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/

============================================