成為探險家 探險家登入
探險家攻略  >  2015 年月曆
1

2015 年月曆

由 小地勤點滴 於 2014-12-07 11:00:31 發表  |  累積瀏覽 518

分類：
7.12.2014

尋日同事放左個機場管理局 ( AA ) 的月曆係貴賓室公家用 . 個月曆都好靚 , 而且記載了少少舊啟德年代既事 . 自己中七畢業無奈 , 就開始係機場工作 , 做過 3 間公司 , 亦睇住機場既改變 . 見到一個咁既月曆 , 就好有感觸 . 原來又就快 2015 年了 ! 時間過得真係好快 .

一月 : 香港史上第一架飛機起飛 . 平日黎機場 , 有無發現近住 C 區個邊 , 吊住左架大飛機 ?


二月 : 聽老前輩講 , 想當年機場好細 , 個個地勤都要穿 3 吋豆令爭返工 , 入職時仲好似選香港小姐咁 .


三月 : 係我仲好細個時 , 第一次遇到飛機 , 係同爸爸出左九龍 , 過馬路時 , 頭上突然有隻大鳥飛過 , 當時既小地勤仲好細過 , 嚇到呆左 .


四月 : 小地勤剛入職時 , 無咁多平價航空 , 成日見到有人係 Departure 喊住咁入閘 .


五月 : 1998 年新機場正式開始運作 , 當年我仲讀緊書 , 一心諗住將來要去教幼稚園 .


六月 : 係小地勤生日月 , 亦係小地勤加入花花航空既月份 .


七月 : 做左機場咁多年 , 有咩未見過 ? check-in 動物 , 我當然試過 . 要 check 好多野 , 好麻煩 , 真係試一次就夠啦 .


八月 : 想當年 , 小地勤睇住 T2 由無到有 . 機場發展得越快 , 地勤工作越辛苦 . 懷念當年一日返 9 小時 , 每日做 4 班機的日子 ...


九月 : 小地勤入職機場的第一份工作就機場保安既 CS , 記得當年有個客鬧我 " 咁鐘意笑去賣 M 記啦 ! " 兼 #$%^^& 我 , 我當時仲笑笑口答 " 先生 , 機場地方講粗口係會被人告架 , Calling 大台 , 把 CCTV 對過黎 . " 嚇走左個金毛飛 .


十月 : 航空業為提供所謂既好服務 , 制造大量垃圾 . 現在真好 , 廉價航空 , 吸個氣都要收你錢 , 正 ! 亦因為咁 , 樣樣要錢 , 垃圾反而少左 . Good !


十一月 : 唔睇都唔知 , 原來機場為環保出過咁大力 ! 但如果佢地可以幫幫手 , 協助趕走霸飛機的人 , 機場運作正常 , 亦會更省水電 .


十二月 : 放眼未來 , 小地勤仲可以留係機場幾多年 ? 因此錢要儲 , 旅行要去得更多更遠 !
鐘意SeeWide的分享，給我們一個Like吧！
  • 攻略日期：N/A
    攻略地點：N/A
  • 攻略時間：N/A
    是次消費：N/A
共1人比"掂"
  • 林公子 於2014-12-08 18:09:31 留言
    老實講句,而家見到D人著幾寸爭跑,覺得好唔得體
  • 舉報 回覆
  • No.1
  • 小地勤點滴 於2014-12-09 12:15:11 留言
    原文由 林公子 於 2014-12-08 18:09:31 發表
    老實講句,而家見到D人著幾寸爭跑,覺得好唔得體
    時代改變了
  • 舉報 回覆
  • No.2

最多能輸入300字

小地勤點滴
三星探險家
簡介：游走機場多年的萬能小地勤 , 由閘口做到去 che...

累積瀏覽 497207

全部攻略 711

全部回應 4285

首頁   探險家攻略   香港好去處   探險家排行榜   新手指南   聯絡我們

©2012-2024 SeeWide.com 「All Rights Reserved 版權所有，不得轉載」

網站上的資訊及圖片，若閣下為部份資訊的版權擁有者，如有觸犯你的知識版權，請來信info@seewide.com，我們接到投訴後即時處理

重要聲明：本網站是以即時上載留言等方式運作，對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，讀者及用戶不應信賴內容，並應自行判斷內容之真實性。由於本網站受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。

SeeWide 香港特搜 致力打造 香港好去處、活動 指南，聚集全港探險家，一同搜羅及分享精彩的 玩樂、消閒、香港好去處 等情報，務求讓大家能看多一點、闊一點！