五日四夜峇里島 ( 第一天 - 下 ) * 2014

23-27.11.2014

公司送的酒店係 Nusa Dua 區域 , 依個區域係網上唔多見有人住 , 後來知道原來係仲開發中 , 所以算叫無咁多呃人例子 .

網上睇間酒店早被人 Downgrade 左做四星 , 不過唔打緊 , 對公司送的酒店從沒有太大期望 . 差唔多八點半先到酒店 , 發現酒店得 Lobby 及餐廳先有免費 Wifi , 而且係其慢 , 慢到上唔到 Facebook . 見 Lobby 都已經上得咁慢 , 心諗就算比錢都唔方會快 . 其實上唔到網 , 有個好處 , 真係會好渡假 , 唔洗再 Check 公司 E-mail 同 Whatsapp . 明明收工 , 都成日會見到公司野 , 覺得好煩 .

Lobby 係無冷氣 , 好熱好焗 . 職員做野好慢 , 之後都習慣了 , 當地人的確好慢條斯理 . Check -in 時的 Welcome drink , 係一杯冰甜茶 .

小地勤只帶了 400 蚊美金 , Mini cooker , 幾個福字米同一大堆零食 . 同事話當地野食來來去去都係咁 , 會食到好悶 , 而且有時唔知食錯咩 , 仲會肚痾 , 其實令我好擔心 . 酒店每日都會提供早餐 , 所以都叫安心少少 . 起碼酒店野食應該會無問題掛 .

跟住個職員行左一小段路先去到三樓既房間 . 沿路小地勤已經被十幾隻蚊圍攻 ... 同事仲話上次有好大條四腳蛇 , 嚇到佢同男友唔敢開窗 . 一開房門 , 覺得都幾 OK , 仲有個露台對住泳池 . 不過明顯地 , 所有野都有點殘舊 . 唔打緊 , 免費的 , 當返左鄉下 .

太夜的關係 , 加上對依個地方唔太熟悉 , 所以晚餐叫 Room Service . 其實去過咁多次旅行 , 真係第一次食 Room Service 既食物 . 價錢比想像中平 , 每個餐約 HKD 40 幾蚊 .

印尼沙嗲 :

印尼炒麵 :

印尼炒飯 :

送餐上黎既職員睇黎心情麻麻 , 收錢時仲黑口黑臉 , 我同男友講 , 依到好興比貼士 , 叫佢唔洗找啦 . 但結果職員可能聽唔明 , 上左黎找錢 , 當我地話比佢做貼士時 , 當然四萬咁口 ... 食餐飯就有左 16 萬 .

食飽左 , 聽到門外有巨響 , 開門一睇 , 唔知邊到放緊煙花 , 係 Bali 既第一晚以煙花作結 , 好似好浪漫咁 .