同學會野餐樂

消失左一段日子

因為依兩三個星期真係忙到暈

公司忙,活動多,又病,仲有經歷埋小學首輪選校既大上大落心情

一次過好難講晒咁多事

等我一樣一樣慢慢尼

今次依編講返11月23日既同學會野餐樂先

另外又講下小學首輪選校情況

無小朋友既人未必知

出年上小學既小朋友選校情況係咁既

首輪係可以自己選一間心儀既小學去交表格申請

每間小學都有一定既學位係留比首輪

抽到就恭喜晒,抽唔到就要再去下一輪既派位抽簽

如果派位出尼結果唔滿意,就要去學校叩門面試架喇

11月24日首輪結果公報

悠悠落選了,另外有三個同學仔都入到

我抱住左隨緣既心態

不過點都有小小失望既

仲要頭痛去選30間小學用作派位,頭三位點排名好,

點知過左3日,學校打尼話有人無去註冊

所以多出一個學位..就係咁..

悠悠成為後補第一...順利入學~~~

成個過程真係玩過山車咁刺激呀...哈哈

好..講完小學事件後

講返23號個日既野餐先

地點係將軍澳單車公園既一片草地

依到地方又近,其實好唔錯

不過係爭咁啲樹囉..曬咗啲

每人帶咗小小食物

開好壇就活動開始啦

我準備左兩個小遊戲同小朋友玩

不過係草地,好難控制啲小朋友

叫極都無人願尼玩

下次都係唔好攪了...

其實小朋友,有伴,有個地方,咁就夠開心了

好..睇返啲相先啦