![]()
|
|
大約18年前拍的
|
![]()
|
|
此船三年多前又翻新過
|
![]()
|
|
戲院
|
![]()
|
|
大堂
|
![]()
|
|
賭場
|
上篇博文我回華娃兄的留言,想 post一些五星級郵輪廚房的照片比大家睇下,我想好少人見過郵輪的廚房,呢位大廚朋友在這條郵輪做了三年多,叧外和同公司的叧一條郵輪做了五年多,郵輪掛巴哈馬旗,他同船公司每次簽合約半年,在船上每天早上7時30分開工至下午2時落場休息,5時又再上班10時收工,全船有35名廚師,每星期工作七天,冇休息天,半年合約完結後,就放有薪假期差不多兩個月,好多人都唔知,原來呢條郵輪的廚師在船上出糧是出現金,而且依國際法,完全唔使納入息稅.
他每次上船和放船的地點都不同,機票是船公司負責,他的船停泊過中南美和加勒比海的國家,記得初相識他時,他講起Panama canal和 Santo Domingo他亦玩過同影咗好多照片,我和他說呢兩個國家我都有去過,他有些懷疑我是否吹水,問我有冇照片,我話依家冇,我唔係好鍾意拍照,大概有三幾張留在香港,佢又問我 Santo Domingo的的士是甚麼顏色?
想起半年多前我曾經在一博客處留言,叫人炒賣,三,四,五缐垃圾股小心,股市不是遊樂場,你話來就來走就走,一不少心輕則留下買路錢,重則葬身股海,因為30年來見盡好多英雄好漢绝跡股場,不過好心冇好報,話我想抽水出風頭,我說去過50幾個國家,所花的錢差不多是靠股市短炒賺的和長缐收息,有位盲毛話我吹水,係賺咁多都唔使係澳洲咁無聊做工,返香港嘆啦,虛言浮誇遊歷過幾十個國家,大概是廚房和厕所,唉依家現眼報咯,股市呢排大升,可惜佢地受到重創. 想起巴拿馬,以前中國人去過巴拿馬就知道巴拿馬城的一條唐人街,有間唐人雜貨店叫簫德興,好記是因和關德興的名字相似,店主姓簫,當年和朋友去買一些唐山雜貨用品時,店主好熱情講解比我們聽巴拿馬的情況,還叫他土生的女兒 Anna 教我們如何坐車到 Miaflores的運河區 ,呢位 Anna 有一面之緣,後來還嫁给巴拿馬總統,貴為第一夫人.
============================================
感謝 wai 提供以上資料
wai的網誌: http://ngwai.blogspot.hk/
============================================
