8 平日都要排隊3個鐘 @Lcx 姆明 Moomin Café

上周六, Lcx姆明Moomin Café新開張第二日, 我們上午11點半到達, 當時須輪候60張枱,店員說大約需時4小時, 吓?? ...只好唯有放棄.

結果, 心有不甘, 今日(星期二), 專登請假來朝聖, 以為平日無人, 誰知一樣要等62張枱. 原來姆明如此受香港人歡迎.

等候時間我們到了旁邊的POP-UP STORE逛逛, 點解近扶手梯位置及Café旁邊都各自有一間POP-UP STORE呢??

場內還有六個姆明印台可以免費給客人留念, 其中一個印台很隱閉, 要走到Lcx盡頭Starbucks旁邊喎.

無聊走去問問門口的店員, 她說:「今日我哋3個鐘派咗330個籌, 星期日仲癲, 門口圍滿晒人.」時為下午4點, 女店員續說:「我哋今日唔再派籌啦, 因為怕10點收舖都做唔晒啲客」

終於, 我們由1點半開始等, 輪候時間足足180分鐘, 我們4點半可以入場啦!!這是我吃過所以主題餐廳等得最耐的一次.

一進入餐廳裝修絶對落本, 場內設計得十足十卡通片姆明屋企一樣, 木枱木椅木欄柵, 餐廳近收銀位置更打造一個小木屋, 正正因為有卡通片作藍本, 所以這裡較APM 的熊本熊Café投入感更強.

史力奇, 亞美及姆明平日傾心事的小橋, 正正就在門口位置等著你也去坐坐談談心.

姆明之家熱香餅必必必食, 因為就是賣相已經非常主題. 望著姆明的三層大宅, 就連大大隻史力奇也想食一片熱香餅喎.

姆明的三層大宅中, 每一層也剩有不同的配料, 朱古力慕絲, 布甸, 及芒果果凍, 不得了的好食, 反而不是太特別的熱香餅, 一配上出色的三寶, 愈食愈回味.

因為阿太愛亞美, 所以隨熱香餅附送的小陶瓷公仔, 我們揀了亞美.

之後的吉之醬姆明芝士蛋糕, 味道勝外觀, 輕輕的芝士味, 反而吃了整個姆明也不會太膩.

略嫌賣相有點流淚眼的可憐感覺, 好像有點似姆明在叫:「唔好食我啦!」 不過阿囝竟然問樹精要不要吃一口, 真的有點殘忍呀!!

阿太要返工, 不能來姆明家玩, 所以, 我們扮樹精, 捧著亞美給她羨慕一下.

我問店員為何網上看到有史丁奇, 及史尼夫等公仔, 但今日卻不見他們踪影呢? 原來, 因為過去4天, 部份公仔被客人弄髒了, 所以要拿去乾洗, 故此今日餐廳內的公仔少了很多喔.

場內食客非常好人, 主動借出位置給我們來一幅全員大合照.

因此, 這枱便忽然變成地標景點, 吸引了不少顧客上前集郵, 我真的不好意思, 連累這對小情侶要延遲進食.

原來, 姆明Cafe在日本已經有11 年歷史, 難怪香港分店的氣氛, 及環境, 雖然今日少了主打「姆明家族成員每張枱都有一位陪你坐」, 但一樣令人愈食愈快樂.

90分鐘限時進食, 經驗告訴我一定不會超時, 但因為今次要集郵關係, 我還是第一次被提示結帳離場喎.

有小朋友在極不願意下跟姆明說再見, 當重返Lcx的現實世界, 他竟然說:「爸爸! 我好唔捨得姆明…」, 之後便立即濠哭起來. 哈!! 奇怪…小朋友…你好像只是第三次見姆明喎…哈…

大仁生活facebook