五日四夜峇里島 Bali ( 第二天 - Tea ) * 2014

23-27.11.2014

在烈日當空下暴曬 , 小地勤就好似個雪人咁 , 不停溶雪 . 我流既汗多到成條裙濕曬 , 其實我真係好怕熱 , 所以男友終於放我返酒店過一過冷河先再出去搵食晚餐既地方 .

同胞們有排都未返 , 成個池我地霸曬 ! 正 !

你有係游水 , 我有我 High Tea , 放假唔食個 Tea , 總覺得差少少野 .

係印尼既第一杯 Coffee , 講真唔好飲 , 好似咖啡水咁 . 食個 Tea 收左我 20% Service Charge , 原來係自己房食係唔洗 Service Charge , 好奇怪 .

一路食 Tea , 一路望住個池 , 堅想午睡一下 . 強調依條唔係腸仔 , 的確係我隻腳 , 一個早上就把我依幾年既努力白費 , 我成為左印象人既一份子 .

係 Bali , 咬得我最多既係蚊 . 見得最多既 , 係四腳蛇 . 基本上 , 佢唔爬上我個身到 , 我係可以同佢共存既 .

酒店及附近都有好多雞蛋花 , 我應該無記錯個名 , 有 , 請更正我 , 唔該曬 ~

五點多 , 太陽既威力無咁大 , 小地勤先肯出去再行下 . 酒店附近的小店 , 不過賣既東西唔太吸引 , 好似放左好奈咁 , 好舊 .