探險家攻略 > 休閒玩樂 / 城中探秘 / 旅遊 > 郊遊 / 特色景點 / 長線旅遊 > 龍勝。龍脊梯田

龍勝。龍脊梯田

由平凡人於 2014-12-11 12:35:00 發表 | 累積瀏覽 626

分類：長線旅遊特色景點郊遊；地區：中國

< 龍脊梯田﹑陽朔 4天遊 >

第三天

夜晚訓得好舒服，好唔捨得呢個溫暖被窩；相比起前一晚火車上，完全係天堂與地獄，下次坐硬坐之前都係要諗清楚，唔係必要都真係唔好坐座位，始終有張床係舒服好多好多~
一早五點幾起身睇下有冇日出睇先，但見到咁既情況...都係訓多陣算啦


六點幾﹑七點幾都有望過天氣，依然咁大霧，唉...心諗今次唔通咩都見唔到就要走？

無論點都好都要離開啦，走之前食返碗桂林米粉先


好大霧好大霧，好小心一步一步落山

馬仔自己一個企係大霧入面唔驚既咩？如果我自己一個係道就驚到震啦


雖然咩都見唔到，一場來到都係去千層天梯睇睇，山長水遠去到冇理由就咁就落山既，萬一將來有朋友問起呢道有咩睇既時候唔識答咪大獲，都係去望望，希望有奇蹟出現

龍脊呢邊既正宗瑤族房屋有多層設計，最低層用來養動物，上面起居生活；不過行過時動物味道有啲難聞...

繼續在霧中前進



去到千層天梯所在地，千層就唔見到啦，幾層都仲見到既


人地影相影到好壯觀架...琴日又話希望在明天，而家明天到啦，咪又係要失望，電視廣告呃人既！！

離開千層天梯繼續落山，突然有發現，好似有風吹散啲霧？

嘩...等一等大霧真係比風吹散左好多，即刻有野睇

隱約見到下面村寨，原來琴日上到咁高，比個叻自己先^^

望返上山，冇陽光視野始中唔太清晰，不過有得睇已經好好，唔要求咁多

對面應該都有好多梯田，但就比霧遮住晒

山下既壯界，一陣會經過，都係居高臨下睇正好多；原來廣告係冇呃人，聽日一定會好天既，希望在明天丫ma~

見機不可失，即刻返轉頭去千層天梯望望先

個人覺得好似一舊舊便便



大約20分鐘，所以野又再次被大霧覆蓋；其實我覺得自己好幸運，原本已經打定輸數咩都見唔到就要落山，真係好好彩，雖然只係短短既時間，最少都比我地欣賞到呢個咁靚既梯田，總算冇白來呢個地方



離開呢道繼續向山下走，好多梯田約隱約現

壯界呢邊，好多梯田已經放左水，農夫們努力工作


嘩...又散霧啦，點解咁好彩架，心情就好似中獎咁，以為冇機會，機會可以突然係面前出現，以為機會已經走左，又會有下一個機會等緊你，哈哈^^旅行中總會遇到好多驚喜，總會有好多意想不到既事發生



一路行一路影相，唔經唔覺就快去到最低既大寨

可以遠離城市繁囂，忘記城市中所有煩惱，安心享受一晚寧靜既田園生活，係香港用幾多錢都唔會感受到，不枉咁辛苦坐十幾個鐘車來到呢道，就算只係一晚都已經心滿意足



寨中見到有人燒炮仗，又有人湯豬，心諗今日唔通係節日？但真係好對唔住，問村民先知原來唔係節日，係有人過身...

離開龍脊前先食個午餐，由於時間唔多，簡簡單單食個竹筒飯，呢個竹筒飯比起琴晚個個材料更多更好食，而且只係15蚊咋

新鮮煮好太熱，要涼一涼先，將竹筒擘開就有得食


食完就要趕住走啦，乘坐12:30車返桂林

龍脊行程好快就完lu，雖說天氣唔好，又落雨又大霧又冇陽光，不過可以呼吸清新空氣，可以享受田原風光，又可以食到農家飯，對於我地幾個城市人黎講呢啲機會真係好難得，而且旅程中又有好多意外驚喜，大家都好享受今次短短既旅程；離開龍脊就要去下一個目的地陽朔啦！

鐘意SeeWide的分享，給我們一個Like吧！

檢舉

攻略日期：N/A

攻略地點：中國
攻略時間：N/A

是次消費：N/A

共0人比"掂"

mrsakwok 於2014-12-11 22:00:04 留言
引用自 '平凡人' 的相片：
回覆：「以為冇機會，機會可以突然係面前出現，以為機會已經走左，又會有下一個機會等緊你」說得真好。淨係影到呢幅相已經值番喇，神仙境界咁，D田又放晒水！
舉報回覆
No.1

EEChan 於2014-12-12 01:15:55 留言
仙境呀
舉報回覆
No.2

stellaluk 於2014-12-12 05:51:23 留言
咭咭咭！有景都要睇個天俾唔俾你睇！
舉報回覆
No.3

平凡人於2014-12-16 01:27:31 留言
原文由 mrsakwok 於 2014-12-11 22:00:04 發表
引用自 '平凡人' 的相片：
回覆：「以為冇機會，機會可以突然係面前出現，以為機會已經走左，又會有下一個機會等緊你」說得真好。淨係影到呢幅相已經值番喇，神仙境界咁，D田又放晒水！

真食好好彩，差啲就咩都見唔到啦
舉報回覆
No.4