討厭的推銷電話

近日，差不多每天都收到推銷電話，不是銀行慷慨的借錢給我，就是送我免費FACIAL之類的東西，甚至打來直接說我中獎了的為數也不少。

昨天和今天收到的兩個電話，卻令我特別生氣。

(一)

A: 小姐，我地係TVB無線電視打來的，依家正同政府合作，統計一下現時高清電視的覆蓋率。
我：嗯…(我一向好樂於協助真真正正有助社會發展的調查)
A：我想問一下小姐依家屋企睇唔睇到高清電視即係J2個D頻道？
我： 睇到
(有禮地回答)
A：哦，咁我地五日後會送一個解碼器上黎你屋企，你就可以睇到埋無線收費節目既頻道嫁喇~
我：(
其實個時我已覺得事情唔係咁簡單，想聽下佢講落去會講D乜)  下？我屋企有NOW喎~ (因為透過NOW解碼器已可收看無線收費頻道)
A：哦，咁仲方便，五日後你就可以透過NOW解碼器睇到無線收費節目既頻道嫁喇~
我：(你當我無知阿婆呀﹗想襯我唔係電話反對唔問清楚就當我應承左肯俾錢睇收費電視？)  我唔想俾錢睇電視喎~
A：哦，我地都只係收番成本架咋，好抵架~
(終於露出狐狸尾巴)
我：但係我一毫子都唔想俾囉…(之後我就立即掛斷電話)

(二)

B：你好，唔該胡小姐呀﹗
我：我係
B：胡小姐呀，我姓楊架，唔知你有無印象我之前聯絡過你呢？個次話送番個XXX(唔知咩金鑽之類總之好勁)FACIAL俾你試做，想同你約番個時間架…
我：(又係推銷電話？問清楚先，費事原來係自己做開FACIAL個間美容舖打黎就唔好意思喇)  你係邊度打黎嫁？ 
B：XXXX (講多次都係唔記得咩名嫁喇)
我：(又係九唔八搭既公司話之前搵過我個D技倆？我最憎D人成日博你唔記得就話之前聯絡過你，於是我串串地咁答佢) 你之前聯絡過我，我就一D印象都無，但係如果你真係同我講過電話，我應該叫左你以後唔好再打電話俾我，如果你唔記得既話，咁你依家聽清楚，立即DELETE我個電話，以後唔好再打俾我…(之後我就立即掛斷電話)

感謝 Catherine 提供以上資料

Catherine的網誌: http://www.wufamilyblog.com/~catherine/