唔知大家屋企用邊種鑊既呢?
依家周圍賣的主流鑊是易潔鑊,相信應該同佢唔易黏底有關。但係,我好怕佢個好易花既COATING,唔可以用粗質地既東西去洗佢,如果唔係就會廢左個鑊,因此,我唔會用易潔鑊。
新居既鑊原本係一隻唔知係咩鑊,總之就係以前中學讀家政學校用個D,無論你煮D乜、技術如何,佢既特點就係一定會燶,然後洗到你傻。
所以,妹妹送左我一個由細到大屋企用開既生鐵鑊俾我。生鐵鑊既好處就係唔易黏底,而且用咩洗隻鑊都得,但係缺點就係開始之前要用肥豬肉同埋韮菜去整隻鑊。我同媽咪都唔係太識點樣處理佢,所以買左之後一路放左係媽咪到,等爺爺係大陸番黎時幫我整。
早幾日終於將隻鑊拿了回家,媽媽千叮萬囑一定要洗到無黑色東西洗到出來才可以用。昨天,我用百潔布洗了十多分鐘,又試過煲滾水去淥它,已經洗得很累了,仍有黑色東西走出來,所以決定每天抽少少時間去處理它。
今天,聽個家務助理講,新的生鐵鑊還要用砂紙洗的,等我有時間去買張砂紙試試看。
處理這個生鐵鑊真的很麻煩呢﹗不過捱過這段時間就會令煮飯變得方便得多。唉…
所以,現時仍然每天用著那個舊的鑊,而新鑊則暫時只有看的份兒了。
感謝 Catherine 提供以上資料
Catherine的網誌: http://www.wufamilyblog.com/~catherine/
累積瀏覽 726791
全部攻略 2152
全部回應 47