熱爆迪士尼

今年恆仔的生日，我們去了迪士尼樂園，由於生日可獲贈迪士尼生日襟章，別上襟章之後，一整天迪士尼的工作人員都會跟壽星說一聲"生日快樂"，迪士尼人物也會對壽星有特別的禮遇，不過我們的壽星說喜歡低調，只將收到的生日襟章放進袋裏，不肯別在胸前。

今次的目標是新開的迷離莊園，首先當然要參觀一下享利爵士的迷離大宅。

可能因為是暑假的關係，這天雖然是星期五，但遊人卻比我們上次星期日來更多。

今次的主角是這隻頑皮的小猴子

我們要乘上這家車子參觀大宅

原來小猴子打開了享利博士的最新收藏品–神秘寶箱，令所有展品都活過來，有如電影"翻生侏羅館"的情節。

不是驚險刺激的玩意，卻滿有趣味。

莊園範圍有很多和視差有關的玩意，適合拍照趣怪的照片，可惜一定要找途人幫忙，結果很多時拍出來的效果都未如理想。(如果拍攝者ZOOM一下個鏡頭，這張照片的效果看起來就會好得多了。)

再來逛逛TOY STORY LAND，不過遊人實在太多，到處都是長長的隊伍，所以我們也只是拍拍照就算了。

搞笑的薯蛋先生

今個暑假，迪士尼的另一亮點是怪獸大學。

先去校務處登記入學

參考書好似都幾深下

我地同毛毛以及大眼仔米高都係怪獸大學今年度既新生。

好彩黎迪士尼之前已經睇左電影《怪獸大學》，所以對於佢地既隊員都已建立了感情。

好驚嚇既驚嚇學院院長

影埋學生相領取埋學生証，正式成為怪獸大學既學生。

一出番門口，就俾我地遇到大眼仔米高，當然要同佢影番張相。

話時話，其實係《怪獸大學》啱啱上畫的時候，周圍都有廣告，有一日我同恆仔講："你有無發現依班怪獸大學的學生都有一個共同的問題，就係牙齒唔整齊。’恆仔答："係呀，所以大眼仔米高咪箍牙囉!"

之後我地去左食LUNCH，因為天氣實在太熱，熱到無乜胃口，所以只係去左大街餅店一人買個包食就算，雖然無位坐，但係起碼餅店入面有冷氣涼，再一人灌一支冰凍可樂，舒服晒~

再去舖頭仔買埋噴水風扇，先繼續今日既行程。(因為個風扇太貴的關係，其實飲完可樂就打消了買風扇的念頭，點知係超晒超熱的美國小鎮大街行左唔夠50米，最後都係屈服入去買風扇)

行到剛才和大眼仔米高拍照的位置附近，又見到有人排隊，但未見主角登場，走去問下工作人員今次會唔會係毛毛，工作人員答："啱啱大眼仔先番入去，唔知下一個會係邊個呢？"其實答案已經呼之欲出喇~

最感慨既係經過自由行多年的摧殘，工作人員經常要喝止好多唔守規則既遊客，已經好耐無試過係迪士尼聽過依D咁MAGICAL的對話了。

好熱好熱，恆仔提議去小小世界嘆下冷氣。

之後欣賞夏季限定的水花巡遊，成身濕晒，正!不過係等待巡遊開始之前，本來我們坐在石級邊，但因為地面太熱的關係，辣到我地頂唔住要起番身。

又熱又累，又去左另一個冷氣房 — 欣賞獅子王個SHOW。

諗住玩多轉迷離大宅，途經灰熊山谷，決定排隊同MICKEY同MINNIE影相，排隊期間，右面就見到噴泉山谷有好靚既彩虹，左邊則有灰熊山谷迎賓禮的歌舞表演，洋溢著西部風情。

西部MICKEY和MINNIE

午餐食得輕便，有點餓意，在灰熊山谷的幸運黃金石小食亭買左炸雞薯條，都幾好食。

再加一杯冰凍的荔枝特飲，舒服晒~

又番到黎迷離大宅，看雜誌介紹，坐頭兩架車和尾兩架車景觀角度很不一樣，早上玩的時候我們坐第四架車，今次特地要求工作人員讓我們坐前面的車卡。

因為之前玩過一次，見到排隊位的展品，知道之後也會再以趣怪的形式出現，感覺也有趣得多。

晚上預約左天際萬豪酒店的DINNER BUFFET，所以玩完第二次迷離大宅，領取埋學生証就離開了。

————————————————————————————————————–

回家之後，可以按著學生証號碼，下載番怪獸大學的証書呢!

感謝 Catherine 提供以上資料

Catherine的網誌: http://www.wufamilyblog.com/~catherine/