我結婚了 – 婚禮篇

雖然阿恆唔係教友，但係根據天主教會既規定，只要其中一位係天主教徒，都可以係教堂結婚既，不過就只可以舉行結婚儀式，但係唔可以舉行感恩祭。我地之前已經按教會既規定，一齊去上左婚前輔導，亦見左本堂神父作婚前查詢，先至可以係教堂結婚架﹗

依度就係我地舉行結婚典禮既贖世主堂喇，亦都係我平時番開既堂區。

依個咁靚既佈置就係由AMY、阿于同埋我媽咪既一班朋友幫手整架喇…

好多朋友黎到都簽名留念…

咦…新郎都等得好心急LU…

當結婚進場音樂響起時，當然先由花仔花女拿著戒指進場喇…

花仔係我堂細佬學文，而花女就係我同事TINA個女藍藍喇…

跟住就係伴娘阿高

壓軸既當然就係由爸爸拖進場既新娘子我喇…

當日真係有好多賓客到場參加我地既結婚典禮…

幫我地主禮既係林祖明神父。他是聖神修院既院長，亦曾經是贖世主堂既主任司鐸，當年就係我地係成立飛基團之初既神師，所以林神父可以話係睇住我長大既。亦因為咁，我誠邀林神父到屯門為我同阿恆主持婚禮。

靜心聆聽神父既教悔…

新郎向新娘許諾：「我如今鄭重承認你作為我的妻子，並許諾從今以後，無論環境順逆，疾病健康，我將永遠愛慕尊重你，終生不渝。願主垂鑒我的意願。」

新娘：「我給你戴上這戒指，表示我對你的忠貞與愛情。願主助佑我們。」

我終於唔駛俾個頭紗遮住線視，睇清楚大家了﹗

到台下接受家人及親友們的祝福…

接受上主既祝福

簽署結婚証書

在簽署婚書既同時，妹妹RITA同埋佢男友DAY為我們獻唱了五月天的《天使》，當她說到希望她最愛的姐姐同阿恆可以成為互相的天使既時候，差點哭了出來，這麼感人的時刻，令我也忍不住眼泛淚光呢﹗

禮成。新人步出教堂，當然之後還會回來跟大家拍照留念喇﹗樓下雨天操場還有茶點招待及專車接送到酒樓參加晚宴啊﹗

感謝 Catherine 提供以上資料

Catherine的網誌: http://www.wufamilyblog.com/~catherine/