5-12-2014 (第一日)
聽講喺韶關南雄嘅帽子峰林場景區，喺11月中至12月中，有千幾棵銀杏樹Ｄ葉會轉為黃色，形成好似黃金海咁樣，場面非常美麗壯觀，咁大人就約埋Ｄ老友，齊齊報名去玩番幾日，觀賞吓個黃金海。
晨咁早就落車站等埋Ｄ老友一齊往落馬洲。
過咗關，揾埋個導遊就上旅遊巴出發。
今次又係行前海高速。
又係例牌喺麻涌停車小休（上洗手間）。
各人放低幾両就上番車繼續旅程。
到咗佛岡又係食午飯嘅時間。
今餐係清城特色燒雞宴。
食飽飽就出去餐廳門口睇吓Ｄ淡水河鮮。
齊人上車出發。
到咗韶關市喇。
走過（濱江長廊）。
唔好以為面向江邊嘅樓房好值錢，呢度試過大洪水，Ｄ水浸到上二樓，所以咁靚嘅樓房都賣唔起價。
呢度都有好多人釣魚。
沿著江邊（濱江長廊）嘅景色都唔錯。
「東、西、北江」三江滙聚點。
到咗韶關旅遊地標「風彩樓」，「百年東街」。
我地就落車影吓相先。
再去「冬菇一條街」逛吓。
參觀贛南寶刹「大鑑禪寺」。
見仲有Ｄ時間就去步行街逛多陣；有咁多人喺度排隊，肯定係好野喇，唔理咁多排住隊先。
原來係賣炒栗子（細細粒果Ｄ）好似叫桂林X。
大人同Ｄ老友都買Ｄ黎試吓。
就係呢種栗子喇！
買完野就上番車往乳源。
到咗乳源先去食晚飯。
呢餐享用乳源谷名菜宴（麻麻地啫）所以冇影相。
今晚入住乳源五星標準「白雲天園林酒店」，番到酒店攞咗房就出去行咗陣街，到九點幾就番去等埋同導遊先前諚嘅燒雞（80蚊人仔），再冲杯靚奶茶，嘆番個靚靚宵夜先。
導遊先前同我地諚嘅燒雞，兩人一隻。
打開黎以經香噴噴，食落骨軟肉滑。
呢隻燒雞連大人都話正；食飽飽，沖埋涼，睇陣電視就瞓覺覺豬喇。
聽日我地係去今次主打嘅帽子峰景區「南雄」，觀賞過1200棵變黃咗嘅銀杏樹，敬請各位卜友萬勿錯過！
感謝 白果魚神 提供以上資料
白果魚神的網誌: http://a991952.blogspot.hk/
