今年小齊o既表弟都有份考K1,
不過佢o既考同其他人o既考有d唔同,
佢考得兩間 (比起人地考十幾廿間佢真係勁嘆)
考o既兩間分別係佢阿哥讀過果間 (已錄取),
同埋小齊果間...
表弟考小齊果間只得waiting list,
小齊好失望呀, 可能佢一心希望表弟有得讀 KV 等佢表現下大家姐風範~
(以我妹果種 hea 法, 我好懷疑佢會唔會寫求位信囉)
雖然, 我唔覺得求位信有咩用!!!
特別係如果你封信冇乜"猛料", 又或者面試時表現太差的話...
其他學校我唔係好sure, 但據說 KV 面試時得滿分o既都有可能收waiting list (我強調係"據說"!)
始終考o既人太多吧
學校call waiting 應該都係依面試o既評分, 家長背景做考慮, 冇寫信o既都有收到call,
求位信o既o野, 只係等自己"感覺盡了力" 而已~
記得有次同個朋友傾計, (果時佢小朋友考小一),
我問: "其實你報咁多間小學, 有o的係同級數, 真係間間都想讀 ?"
朋友答: "其實最心儀 A校o既, 但B, C, D校同A 校同級數 (甚至比A校略高, 但因交通原因最心儀A校), 如果 A 校落選而 B, C, 或 D校好彩有OFFER 的話, 會試下寫信求位, 夾返D OFFER LETTER(S)!"
言外之意都好清楚, 即係同學校講 "其實我個仔好o野o黎, 考其他學校都好掂, 不過我最愛都係你, 你估INTERVIEW時你會唔會睇漏眼? 幫幫手review下~ "
至於最後我朋友有冇出到呢招我不得而知, 但試下我覺得無壞的, 反正本身都係冇offer咖啦
而且出呢招亦唔係咁易的! 要小朋友本身真係有其他好 offer 先有得諗咖!
有人寫求位信夾咩證書之類, 我估計作用不大, 但聊勝於無,
(唯一可能顯示到家長有比心機栽培)
"你話佢舞技超群, 英文出眾, 鋼琴天才, 點 prove呀? 拎張cert 出o黎傳神d 嘛!" 朋友說。
但有時面試呢, 一問便知龍與鳳, 況且而家d cert 五花八門, 恆河沙數...
(好似我地話d 客比witness 口供 一樣, 你講乜都得咖, 但法官聽完 attach 幾多weight 落去呢? 唔係一味吹就得~)
呢d cert 又有幾多認受性?! 幫助?! (真係好懷疑, 特別當我自己都帶小齊考過一d 呢d試之後, 有d真係得啖笑~ )
面試後再夾cert 我覺得作用有限,
面試前反而可能有d機會替你贏得一次面試/2nd in 機會~
另外, 我曾問過d朋友如果整 portfolio, 會夾 d 咩落去?
朋友 A 說: 與其夾 D 人有我有o既CERT, 我會寧願夾 D 生活照, 好似帶個仔去ALASKA/NORTH POLE 坐破冰船, 去非洲睇下自然生態呢D...
朋友 B 說: 當年我一張 CERT 都冇夾, 但係有個音樂系PROFESSOR 幫手寫左封介紹信... (佢小朋友最後獲一間港島神校取錄, 現時品學兼優)
唔係講笑, 而家d 猛人叻人真太多, 比心機栽培小朋友o既家庭亦好多, 呢個年代讀咩學校絕對唔係單單睇成績, 大家各自修行吧
是日靚衫: Fendi Kids, Burberry Children, Repetto, Kenzo Kids, UGG Bailey Bow
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
