十年一別 TOYCON 復活啦!! @ Toy Soul 九龍灣國際展貿中心E-Max

十年人事幾翻身, 停辦10年, 從前一定在灣仔華潤展覽中心舉行的香港玩具展TOYCON, 終於復活啦!!

玩具展復活後改名叫做Toy Soul, 在九展E-Max一連玩三天. (灣仔華潤展覽中心都也一早拆卸重建啦)

14年前的玩具展, 主要是香港玩具店舖「擺枱」清貨, 最愛第一屆, 因為有日本人參展賣懷舊玩具. 

後來漸漸變成Michael Lau等本地創作家賣自家制的限定品, 當年李燦森也有份設計Figure出售, 而鐵人兄弟與HotToyS還未分家.

復活後的Toy Soul八成原創玩具, 單單是HotToys 的1:1 HULKBUSTER 就已經就震撼, 不過圍住想摸一摸也不可以.

HULKBUSTER要明年「復仇者聯盟2」就會和我的最愛變形俠醫齊齊出場啦! 好彩我沒有跌落 HotToys Figure 的深淵, 很毒很毒的區域, 還是速速忍痛離開為妙.

現在的玩具真的很貴, 全膠的Q版柯柏文也要售$750, 需要可動關節非常勁, 不過真的要認真考慮考慮.

小雲同小吉好重要, 迷你扭蛋Size的天神村人物, 會分兩套出售, 超精細, 又靚. $650有博士屋企, 加主角及三粒糞. 靚靚靚(不過價錢都一樣靚).

在場有四驅車比賽, 一條巨型三軌賽道, 初選要最少19秒才可進入前二十名, 旁邊有四驅專家們在併力加工, 非常專業.

不過, 四驅車又不是遙控, 是不是買一粒最勁的「摩打」就可以越飊越快 ?

足球小將的林源三限定版第一日200隻已經售罄, 在場可以預訂三杉淳, (圖左下角), 多送一隻摸住心口的左手, 有玩具迷一見立刻預訂說:「同漫畫一樣心臟病病發時的手..正呀!!」

憑入場票可以抽閃卡一張, 一套61張, 又沒有一套出售, 究竟怎樣可以儲齊一套呢?

全場唯一LET IT GO 角色, 就是超合金小白, 要預訂4個月後才有貨, 我問有沒有Elsa 及 Anna 相伴呢 ? 店主說:「女仔個模好難造, 又驚造出嚟唔夠人哋靚, 所以暫時都係研究中」.

我覺得今次現場最有吸引力, 一定是40週年的PS4攤檔, 又有試玩, 又有街霸比賽. (當然還有Sony美女...)

我曾經有數秒也想買部PS4回家與囝齊齊玩, 但奈何暫時遊戲數目又不是太多, 同場反而PS3的遊戲大減價, 超平$88有很多選擇.

場內有少量PS的精品陳列出來, 有途人經過說. 這部PS2的手掣好正呀!!早知當年也買來玩玩啦!!