7-12-2014 (第三日)
今日係呢次行程最後一日，會去參觀韶關市（辛亥革命記念館），食埋中午餐飯之後就直番香港。
今朝瞓到自動起床，自己落酒店餐廳食早餐，一落到去就嗱嗱聲去攞碗湯麵同大人最鐘意食嘅豬紅蘿蔔去孝敬佢老人家先。
大人見我咁有心，就話算你喇，笑番！（咁都冇咁驚）
食飽飽就喺大堂影番Ｄ靚相先！
好似去咗俄羅斯咁。
因為就黎聖誔節，所以酒店嘅佈置，好有聖誕氣氛！
上番房執行理，見仲有Ｄ時間，出露台嘆番杯茶先。
11:00上車出發，好快就黎到「辛亥革命記念館」。
國父孫中山先生銅像。
裏面介詔辛亥革命嘅歷史。
跑馬看花，一陣就睇哂，又喺屋外四圍逛吓。
參觀完上車去食午飯。
呢餐嘅名堂係「山泉水浸豬肚宴」。
呢味就係「山泉水浸豬肚」。
炸花生放底，銀芽蓋面，中間係豬肚，唔錯，Ｄ豬肚夠哂爽脆，又香又甜。
呢條邊魚就蒸過火，麻麻地嘖～
![]()
食飽上車，今日係星期日，深圳會塞車，所以速速趕路。
回程都係喺麻涌小休。
前海高速直番深圳，因為我地趕時間，所以今次喺深圳灣過關。
點解今次咁趕呢，因為姨甥世英今日做生日，喺灣仔美利堅京菜館慶祝，時間係19:00，所以我地喺深圳灣過關，出天水圍再轉地鉄，時間較易掌握。
感謝 白果魚神 提供以上資料
白果魚神的網誌: http://a991952.blogspot.hk/
