6-12-2014 (第二日)
今日主打有兩個景點，(１)南雄［帽子峰林場景區］，觀賞「黃金海洋」1200多棵葉子變黃咗嘅銀杏樹；(2)贛州［梅關古道景區］，喺梅嶺雄關，脚踏贛、粵兩省。
06:30起床，07:00食早餐。
酒店嘅圍餐都唔錯。
食飽上車離開乳源往南雄。
中途停服務區小休。
好快就到咗南雄喇！
沿途都見到好多銀杏樹。
竹林。
到咗「帽子峰景區」喇。
一落車，導遊講咗幾點集合同埋食午飯地點之後，Ｄ團友就瘋狂拍照，我都唔執輸，同大人週圍揾景拍照。
呢條街兩旁屋前都種有銀杏樹，喺呢個季節Ｄ銀杏葉子變黃，咁就吸引咗好多國內外嘅遊客到黎觀賞。
影咗一陣先醒起由落車行過黎Ｄ風景都唔錯喎，咁又同大人行番轉頭揾景。
到此一遊。
小橋、流水，兩樣都有。
跟住再行番入去再影過。
住家式嘅店舖，除咗有當山土產外，仲有自家制嘅腊味出售。
Ｄ風景真係靚到我同大入都要話「爺」！
倒影銀杏。
Ｄ銀杏黄葉落咗地上，形成咗條黃金大道。
又夠鐘集合食午飯喇，今餐嘅名堂係「南雄銀杏土雞濕宴」。
溪魚仔。
上到呢度菜就出事喇，大人知道我鐘意食扣肉，想話夾Ｄ冇咁肥嘅比我，點知夾極都夾唔起，我就話唔好摷到碟餸亂哂喇，我自己夾得喇！可能當時我嘅語氣重咗Ｄ，大人即刻黑哂面，咁你自己夾喇～跟住一路都冇食飯，仲冇出過聲添，我知今次我死定囉！
紫淮山。
原裝未煮嘅紫淮山
食飽上番車離開南雄前往贛州，大人一路都唔彩我。
到咗贛州梅關古道景區，一落車大人就自己行咗上去先，我唯有用自拍棒玩自拍。
當時驛站嘅位置。
過千年嘅楓樹。
![]()
一路沿著呢條梅關古道往上行。
慢慢行咗大約九個字就上到黎可以脚踏「贛、粵」兩省嘅梅嶺雄關喇！
行完梅關古道，上車往東山正覺寺參觀。
去到發覺呢間正覺寺喺度為修緊，咁我地謂有喺外面影吓呢座魁星塔就算囉！
上車番韶關。
又到晚飯時間，今餐係叫做「韶城三區八縣特色宴」。
大人一路都仲係冇彩過我。
揔湯比佢又唔要。
夾餸比佢又話唔駛！
卒之到呢味蒸水旦大人先至食咗Ｄ。
呢味釀東江豆腐都有食。
食飽飽上番車就番酒店喇。
今晚入住呢間係五星標準嘅「韶關碧桂園鳳凰城酒店」。
平時同大人入住咁靚嘅酒店，佢實會叫我同佢影吓相嘅，但係呢次佢粒聲唔出，攞咗房間就拖住行理番房，我就梗係死狗咁跟住喇。
番到房我都唔敢出聲，整好哂Ｄ野，冲好涼，飲埋杯奶茶，電視都唔敢睇就上床休息喇～
聽日會去韶關地標「風采樓」遊覽，同埋去參觀「辛亥革命博物館」跟住就番香港，希望聽朝大人嬲完喇。
感謝 白果魚神 提供以上資料
白果魚神的網誌: http://a991952.blogspot.hk/
