Hello !
上回講到既Plan D , 大家都好感興趣 , 本來成數唔係咁高 ,
一下子又同其餘幾個Plan平起平坐 , 至於
Plan A 果個行程 ,
由於要9月尾10月頭出門先至放心 , 以我既心急性格加上攞假難 ,
所以都好難可以在該月出發 , 倒不如專注於其他幾個Plan ,
今次主要係再講多次Plan D , 呢個Plan最主題既就係 北海道+青森 .
(話就話 青森 , 其實包括埋 岩手 ~ 秋田或其他縣)
首先預算 北海道 先玩幾日 , 然後至乘船過 青森 , 咁 北海道 行程如何 ?
真係R到頭爆都未諗到 , 不如講過大海呢Part先 . ^_^ !!
由 苫小牧 往 八戶 , 船程約莫7個半小時 , 用呢段時間黎渡過漫漫長夜就最好不過 ,
所以23:59呢班船係不二之選 , 唔同時段有唔同既船種 ,
以下呢隻係其中一艘船 , 係咪好有型呢 ?
去到 八戶 時間係 A,M.7:30 , 即刻就可以展開行程 ,
當然要食埋早餐先啦 . 之前話去 乳頭溫泉 , 冇錯 ~ 果度係要去 ,
不過去之前 , 已經搵到一個好地方 , 就係 : 宮古市 浄土ヶ浜 .
上次最落只係去到 久慈市 參觀 海女基地 , 今次再落多DD去到 宮古市 .
果個 浄土ヶ浜 , 淨係睇宣傳相片已經靚到嘩嘩聲 .
希望能夠親身一遊 , 睇下靚到乜野程度 . ^^
在果度住一晚之後 , 先至過隔離 盛岡 , 跟住係 小岩井牧場 ,
最後至輪到 乳頭溫泉 , 暫時講住咁多先 , 遲D再搵到好料先至講 .
Bye Bye !
感謝 Man Wai 提供以上資料
Man Wai的網誌: http://1226manwai.blogspot.hk/