7 聖誕最浪漫~星海閃閃靚到暈 @PMQ 「Trees of stars 星閃聖誕」

阿太:「我哋去PMQ真係多過去銅鑼灣呀!」無錯! 今晚我們一家三口又去PMQ感受星光閃閃聖誕夜.

自從PMQ開幕後, 我個人覺得, 每憑節日這裡一定是最浪漫的地方, 上次中秋節已經靚到暈, 今年聖誕PMQ氣氛絶對正到震.

燈光處處, 閃閃光亮掛滿天, 簡直好似走到童話世界一樣, 相信夜一點可能真的有小天使從天而降也說不定喎.

露天大堂有免費鹿車氹氹轉, 哈!! 大人可以踩單車當燃燒脂肪減減磅, 小朋友則三分鐘全程開心興奮大叫HoHoHoooo, 今晚我們算幸運, 玩了兩轉之後, 鹿車就要因事暫停維修了.

我家小朋友永遠是攤位遊戲大愛者, 場中有三個免費攤位遊任玩, 掟水樽, 拋波波, 及電棒過圈圈.

不論你贏或輸, 你也會獲得星星汽球, 當然贏了的汽球會大一點啦!!

結果我們得到了一堆星星汽球過聖誕!!

其實還有特別大獎, 當你全中所有水樽, 或波波, 這隻等身大的啤啤就可以抱回家啦...不過, 我估計應該熊啤啤也不會有人領養得到, 因為全中五次的機會微乎其微.

臨走前要和笑容滿臉的攤位姐姐來一個合影, 我們玩得好開心呀!!

花花棉花糖真的所有小朋友也喜愛, 可惜小朋友咳咳嘴, 結果有人不高興的不能和棉花糖有個約會...

走落下層花園, 環境暗黑, 配會大型璀璨燈燈, 嘩! 簡直星海一樣, 如我的一位阿叔也覺得長夜多~多浪漫.

迷人星海伴阿囝亂彈鋼琴演奏, 場面非常違和, 不過身為這位小朋友的爸爸, 一樣陶醉啦~