探險家攻略 > 城中探秘 / 旅遊 > 特色景點 / 其他 / 長線旅遊 > 吉隆坡。雙子塔﹑金三角﹑阿羅食街

吉隆坡。雙子塔﹑金三角﹑阿羅食街

由平凡人於 2014-12-23 16:35:00 發表 | 累積瀏覽 1020

分類：長線旅遊特色景點其他；地區：吉隆坡

< 新加坡﹑馬來西亞8天遊 >

第五天（續）

與朋友分別，開始一個人吉隆坡之旅；吉隆坡交通好方便，由機場出市區可以選擇鐵路﹑巴士﹑的士，當中巴士車貴最平所以我就選擇坐巴士出市區（今個旅程相機出現問題，之後好多相都只係靠用左四年既舊電話影咋，希望大家多多包涵）

由機場客運大樓行返去商場可以搵到電訊公司，為防盪失路就係DiGi出左張電話卡，可以上網又可以打電話，RM20一張聲稱可以用七日無限上網，仲有RM9餘額打電話用（返到香港先知比佢呃左，佢幫我開Weekly RM7既plan原來只有250MB數據，只係Unlimited Social Messaging，好彩我用四日又少上網所以夠用，開電話卡前要問清楚；呢道可以睇到電話卡資料：http://new.digi.com.my/cs/Satellite/ecomm_C/services/default/Prepaid_Mobile_Internet_Add-ons）

巴士站大堂有的士and唔同巴士公司選擇


我就坐SkyBus到KL Sentral，車貴RM10，如果係網上預先訂飛就RM8；我已經訂好左車飛去到見車就可以上



吉隆坡天氣好好丫，藍天白雲

有得上網方便好多，可以睇到自己去到邊

大約一個鐘車程到達KL Sentral

KL Sentral係一個大型交通交匯處，火車﹑地鐵﹑巴士﹑的士等等公共交通工具都可以係呢道搵到

我要出吉隆坡市中心，坐地鐵就最方便，係唔熟路之下地鐵係大家既好朋友

售票機由馬來西亞文顯示，係唔知佢寫咩之下非常順利買到地鐵飛，我覺得係神奇既一件事

地鐵月台



原來呢部地鐵係無人駕駛列車



行左一個站之後地鐵就入左地底，冇風景睇lu

呢個時間地鐵仲未多人

去到KLCC站落車；係呢道終於有種置身多國既感覺，之前見到既都係華人多，而家見到好多外國人，多好多出國旅行feel

出左地鐵站就見到雙子塔啦

「雙子塔別稱佩重納斯大廈、國家石油大廈、國油雙塔，是兩棟位於馬來西亞吉隆坡市中心的摩天大樓，曾經是世界最高的摩天大樓，直到2003年10月17日被位於台灣台北的台北101超越，但仍是目前世界最高的雙棟大樓，也是世界第五高的大樓，樓高452米，共地上88層，由美國建築設計師西薩•佩里（Cesar Pelli）所設計的大樓表面大量使用了不銹鋼與玻璃等材質。雙子塔與鄰近的吉隆坡塔同為吉隆坡的知名地標及象徵。」

雙子塔望上去真係好宏偉好靚


日落之下閃閃發光



zoon近少少



行後少少就可以睇得更清楚


雙子塔好靚，金屬加玻璃設計得好搶眼


雙子塔之下係一個大商場，穿過商場就可以見到雙子塔另一面



又可以再見到雙子塔啦，兩邊其實一樣樣，哈哈



而家向金三角方向行，慢慢遠離雙子塔

沿路有冷氣通道，出面咁熱最好就係行入來涼佢冷氣慢慢行


不過行入面就睇唔到風景，所以都係出面行比較好

已經離雙子塔好遠啦，再見


好多人係雙子塔對出公園跑步



而家要係高樓大廈之中搵路，因為電話突然上唔到網，唯有靠記憶之中既方向慢慢向前走



吉隆坡塔

吉隆坡市區好多車，塞滿晒馬路；由雙子塔去金三角有免費巴士行走，但為免遇上大塞車都係自己行比較好



經過好多酒吧同大商場，我相信就快到金三角

已經到左啦，金三角人多車多商場多，係shopping行街既好地方，雖然我唔會係道shopping，來呢道總算可以見識下吉隆坡繁華熱鬧一面，仲有就係可以去阿羅食街



單軌列車



發現GOKL免費巴士，坐住佢可以去到吉隆坡市內好多地方


行多幾步就去到阿羅食街

全條街都係小食店



香港燒臘


未到夜晚已經有好多人行街準備開餐啦



當中我最想試就係呢檔黃亞華小食店，佢既燒雞翼係全條街最出名，個個都話好食架，搞到我都好想試試

雞翼由碳火燒烤，只係行過都聞到香味


旁邊仲有其他燒烤檔同佢掙生意



我好想食呢道既燒雞翼，但部電話咁樣上唔到網好唔方便，所以決定唔食野，用多啲時間行返去商場個邊，睇下搵唔搵到間DiGi出來搞掂上網呢個問題

咁就行返轉頭向商場方向行


出到來繁忙既大街，再入去唔同既商場搵


可惜都係搵唔到，算啦...如果可以行近雙子塔就正啦，著左燈好靚


既然而家都唔知有咩好做，就返去火車站等火車算數，今次會坐單軌列車返去KL Sentral

單軌列車收費比地鐵費少少，不過都有唔少人搭架

列車細細部只有兩卡，咁多人要迫先入到去，經過幾個站人先少返啲


坐到去總站就係KL Sentral

火車站旁邊都有一座大商場，可惜都係冇DiGi...商場入面有壁球比賽，以前我一直都疑惑點解四面透明玻璃都可以打到波？係道終於見到答案啦，原來我地望入去係透明，入面望出來係有顏色，仲要係唔同顏色



由商場過天橋就係火車站

去到火車入閘位置先八點半，距離十點開車仲有個幾鐘時間，可以係火車站安心搵地方食晚餐

火車站食野地方唔多，唔係麥當勞就係KFC，間KFC開正係入閘位咁就食佢啦，可以睇住啲人入閘唔怕走車



炸雞+飯+沙律，最特別係個飯用海南雞飯個種油飯，食落口香好多
係呢間KFC同其它店鋪比錢時都出現一個麻煩，就係呢道唔似日本，唔會將消費稅寫入價錢牌，害我幾次數齊錢去比都話唔夠錢，次次都差少少...

一路食一路等，越來越多人等車啦

食飽飯冇野做就四圍行下

呢道係買火車飛既地方，我係網上買左就唔洗再排隊買

呢個係買的士卷既地方；馬來西亞坐的士好特別，係機場都有呢種賣的士卷既counter，想去邊道就可以同counter講，佢會即時話比你知幾多錢同收費，拎住收據就可以上車唔需要再比錢司機，咁就可以減少司機兜路呃錢既機會啦

機場快線都可以係呢道坐，去機場比巴士快好多

今次我就坐呢條North Line

一陣就係坐左邊個部火車啦


第一次係外國坐長途火車，對於一個小小火車迷黎講心情特別興奮，唔知馬來西亞火車係點既呢？好快就會知啦，哈哈^^

鐘意SeeWide的分享，給我們一個Like吧！

檢舉

攻略日期：N/A

攻略地點：吉隆坡
攻略時間：N/A

是次消費：N/A

共0人比"掂"

EEChan 於2014-12-23 20:14:27 留言
馬來西亞好多美食
舉報回覆
No.1

stellaluk 於2014-12-26 08:02:31 留言
14年前去泰國，最後下天相機壞了！之後我每次旅行會帶兩部相機！
舉報回覆
No.2

平凡人於2014-12-26 23:03:16 留言
原文由 EEChan 於 2014-12-23 20:14:27 發表
馬來西亞好多美食

馬來西亞最出名就係美食ma
舉報回覆
No.3

平凡人於2014-12-26 23:06:39 留言
原文由 stellaluk 於 2014-12-26 08:02:31 發表
14年前去泰國，最後下天相機壞了！之後我每次旅行會帶兩部相機！

好彩而家電話都可以影相，以前壞相機就麻煩啦
舉報回覆
No.4

1874飛飛於2014-12-31 10:24:49 留言
未去過, 多謝介紹! 旅行壞機好麻煩, 電話暫時應急都ok
舉報回覆
No.5

平凡人於2015-01-01 19:01:22 留言
原文由 1874飛飛於 2014-12-31 10:24:49 發表
未去過, 多謝介紹! 旅行壞機好麻煩, 電話暫時應急都ok

近近地有機會去下啦，好多美食架部機都唔知係幾時出問題
舉報回覆
No.6

Lazy_Panda 於2015-01-05 10:18:05 留言
欢迎来到吉隆坡玩~ 哈哈！
大马的电信卡计有~ Celcom, Maxis (Hotlink Prepaid), Digi, U Mobile 同 Tune Talk。细节就唔在度讲喇，简短d讲，一般上我会鼓励游客买 Maxis Hotlink （Celcom 都 ok，但价钱就贵dd喇，不过胜在去到郊区都有网络覆盖）
Maxis 电讯公司在市区的网络覆盖范围较阔，配套在 RM20.00 之内，仲有无限上网数据...
(http://www.hotlink.com.my/en/internet/mobile-internet-plans.html)
舉報回覆
No.7

平凡人於2015-01-07 21:51:50 留言
原文由 Lazy_Panda 於 2015-01-05 10:18:05 發表
欢迎来到吉隆坡玩~ 哈哈！
大马的电信卡计有~ Celcom, Maxis (Hotlink Prepaid), Digi, U Mobile 同 Tune Talk。细节就唔在度讲喇，简短d讲，一般上我会鼓励游客买 Maxis Hotlink （Celcom 都 ok，但价钱就贵dd喇，不过胜在去到郊区都有网络覆盖）
Maxis 电讯公司在市区的网络覆盖范围较阔，配套在 RM20.00 之内，仲有无限上网数据...
(http://www.hotlink.com.my/en/internet/mobile-internet-plans.html)

多謝你既見議，下次我會揀一間比較好既公司馬來西亞咁好玩，我相信我會再去既
舉報回覆
No.8