冬至晚飯@得龍大飯店

 

18/12 由於今年做冬要喺紅館睇演唱會 , 所以便要提早同屋企人做節

 

 

今次去了好耐無去嘅 " 得龍大飯店 " ,

 

雖然已提早做節但當晚八點鬆已經坐滿了食客  ( 又真係好熱鬧 ^^ )

 

 

" 頭抽煎焗海虎中蝦 "

 

雖然只是簡簡單單的頭抽煎蝦但都能帶出了鮮味 ,

 

而且仲好香口添 ! 蝦肉又夠爽口彈牙好 " 正 " 呀 ! ^^

 

 

" 雞蛋焗魚腸 "

 

估唔到細佬會叫這味餸上枱時係好香但食味一般 ,

 

食過最好吃的焗魚腸個人覺得是在美心酒樓 ,

 

金香脆口又有果皮味真係好回味  ( 雖然我唔多嚐 ^^ )

 

 

" 懷舊蝦多士 "

 

蝦多士是最多人鐘意食的一個餸 ,

 

雖然我哋只得六個人但最終要再 order 多一客先滿足到大家 ^3^

 

 

" 山楂咕嚕肉 "

 

這店最出名就是道菜式可惜當晚好似有啲失準

 

 

" 原籠羔蟹糯米飯 "

 

媽咪之前同朋友食過覺得好食 , 所以當晚便 order 給我們一試 ,

 

蟹肉都算鮮甜嘅但唔夠多羔 , 至於唔多嚐糯米飯的我都覺得個飯好好味

 

 

" 蝦籽蝦乾撈粉絲 "

 

估唔到個粉絲又香口又野味仲炒得好乾身添 !

 

我們成家人都勁愛呢個撈粉絲 yummy ! yummy ! ^^

 

 

" 芋頭扣肉 "

 

曾經在這裡食過一個又野味又鬆化的芋頭扣肉 ,

 

而且仲一直念念不忘諗住今次同屋企晚飯便叫給他們試 ,

 

可惜換來的郤是十分之失望 , 好明顯是處理時間不夠 ,

 

味道是 ok 的但芋頭不夠腍還有點硬 ,

 

至於扣肉更加不用說肉質有點靭做唔到從前鬆化的口感 >.<

 

 

店方送的 " 桂花糕 "

 

質感似食大菜糕太多魚膠喇不是我杯茶

 

 

" 蓮蓉焗西米布甸 "

 

一直好想試呢個甜品可惜當晚個布甸好似唔係好靚仔 ,

 

但一上枱整枱人都立即嗅到好香的蛋味連小朋友都話 " 正 "

 

 

職員姐姐好好人幫我哋分埋

 

蓮蓉好香滑但西米布甸部份就一舊舊唔夠細緻  ( 感覺有少少失望 )