1

年度回顧 * 2014

小地勤點滴 於 2014-12-29 12:49:12 發表  |  累積瀏覽 726

分類:

29.12.2014


最近開 Facebook , 見到一堆朋友既年度回顧 . 小地勤的朋友大部份都係機場人 , 佢地既回顧同小地勤差唔多 , 都係 " 出外旅行 " 既相 . 每日返工都心理唔平衡 , 成日都要做到好 Helpful 咁 , 慢慢成為習慣 . 但其實遇到麻煩客 , 小地勤都好想閃開 , 好想鬧佢 , 好想拍佢片放上網 ... 不過都係得個 " 想 " 字 .


唔知點解 , 雖然好多時係日記板到呻話邊個邊個客人好鬼衰 , 好鬼麻煩 , 但當年尾要回顧大事時 , 完全記唔起 ! 可能今年太精彩 , 唔開心既事就由佢過去吧 !


一月 - 男友買左對戒 , 話影相同結婚用 . 原來我既手指真係好幼 ...



二月 - 第一次同男朋友去旅行 ( 沖繩 ) . 第一年上佢屋企拜年以及第一次跟佢返澳門見人 , 仲有第一次新年有假放 !



第一年情人節唔洗約朋友 , 可以約男友 ... 第一次情人節咁緊張 , 因為妹妹生得 ! 咁就做左大姨媽 , 從此 , 我要好好愛錫依個小寶寶 ~



三月 - 拍左拖一年 , 飛左去台中影婚紗相 , 第一次咁長時間對住佢 , 對足一星期 ! 佢第一次上我屋企食飯 , 個日落好大雨 , 我屋企水浸 , 佢同我妹夫努力咁通渠 . 個一刻好感動 !



四月 - 平平淡淡咁過 ? 完全無印象發生過咩事 ...


五月 - 佢生日 , 又再出飛去沖繩 , 因為佢正係會去日本 , 不停咁食食食 ...



女皇陛下一百日 , 屋企第一次咁多人一起食飯 , 超開心 !



六月 - 小地勤既生日月 , 每年依個時候 , 我都會放一星期大假去旅行 , 今次係大阪 .



貴賓室擴張 , 由以前一眼望曬 , 到現在睇唔到佢個盡頭 , 地方大左 , 要重新再學過所有野 . 懷念以前地方細細 , 可以煲劇的日子 .



七月 - 當地勤既第八個年頭 , 攞到第一張獎狀 .



八月 - 全公司攞最多表揚信裡 " 排第二名 " , 再一次被肯定 .



因為去唔成沖繩 , 所以返左澳門 , 認認真真咁聽佢講 " 想當年 " . 坐係佢舖到扮下老闆娘 , 其實我份人太心急 , 真係唔鐘意 " 等 " 人黎買野既感覺 .



九月 - 第一次吵大鑊 , 冷戰左幾日 , 直到佢加 " 家用 " , 我先采返佢 ... 識左十幾年既同學仔 , 依個月出嫁 , 我身邊既同學開始一個一個咁嫁出去了 .


十月 - 永遠的十月九 , 每年都要見一下面 ! 每次見面都係回想當日 , 考試 , 受訓的日子 , 依八年都沒變過 .



心血來潮 , 跟同事去韓國睇紅葉 , 探舊同事 .



十一月 - 原定的歐洲之旅改成 Bali 之行 , 都係多得公司送左 4 晚酒店 .



又係時候為女皇陛下採購冬天衣服 . 為左你 , 小地勤成日去沖繩走水貨 !



十二月 - 仲有幾日就過完 , 希望無風無浪咁到 2015 年 !



其實作為一個地勤 , 雖然未能好似空姐咁日日飛去唔同地方玩 , 但起碼都算過得唔錯 . 地勤同空姐既分別 , 應該係我地既旅行係真係放假既日子 , 而佢地既旅行 , 只係工作中途既 break . 老實講 , 做魚翅航空的確福利比較好 , 不過做細公司就同事之間感情比較好 , 返工日日都要對住同事 , 佢地思想簡單 , 其實都係一件好事 .


正如開頭咁講 , 每年年尾想要諗起工作既唔開心 , 有點難 , 因為工作忙到令你沒時間回想不快 . 公司既福利令小地勤可以到外地差差電 . 旅行對一個工作壓力大既人黎講 , 真係好重要 .

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
1人比"掂"
  • 小龍 於2014-12-29 21:37:41 留言
    今年真係好精彩仲超級sweet添呀幾時結婚先?
  • 舉報 回覆
  • No.1
  • 小地勤點滴 於2014-12-29 22:38:10 留言
    原文由 小龍 於 2014-12-29 21:37:41 發表
    今年真係好精彩仲超級sweet添呀幾時結婚先?
    之前以為會今年9月,但之後就冇左件事 lu
  • 舉報 回覆
  • No.2
  • 小龍 於2014-12-29 22:41:51 留言
    原文由 小地勤點滴 於 2014-12-29 22:38:10 發表
    之前以為會今年9月,但之後就冇左件事 lu
    無左件事點解會無左件事架?因為呢件事9月吵大鑊

    咁又係,小地勤咁多人追,應該諗清諗楚揀個最好既
  • 舉報 回覆
  • No.3
  • 小地勤點滴 於2014-12-30 04:09:56 留言
    原文由 小龍 於 2014-12-29 22:41:51 發表
    無左件事點解會無左件事架?因為呢件事9月吵大鑊

    咁又係,小地勤咁多人追,應該諗清諗楚揀個最好既
    都有少少,所以佢唔出聲我都冇再提 ,維持現狀
  • 舉報 回覆
  • No.6
  • 小地勤點滴 於2014-12-30 04:11:50 留言
    原文由 林公子 於 2014-12-30 01:59:36 發表
    澳門人,將來年年有錢收,爽
    澳門真係好福利過香港,除左交稅,我印象中最大福利係收過一次錢同簡中有退稅。。。
  • 舉報 回覆
  • No.7
  • 小地勤點滴 於2014-12-30 04:13:31 留言
    原文由 林公子 於 2014-12-30 02:01:05 發表
    因為吵大鍋呀@@
    心裡有條刺,不過佢應該唔發現,因為嘈交咩都會講,但個次嘈到我喊佢先唔出聲
  • 舉報 回覆
  • No.8
  • 小龍 於2014-12-30 09:17:46 留言
    原文由 小地勤點滴 於 2014-12-30 04:09:56 發表
    都有少少,所以佢唔出聲我都冇再提 ,維持現狀
    你男朋友1月買得戒指,應該心裡面都有計劃既不過可能籌備當中,一係試探下佢口風啦因為誤會而嘈架,咁就唔好啦
  • 舉報 回覆
  • No.9
  • 小地勤點滴 於2014-12-30 10:38:24 留言
    原文由 小龍 於 2014-12-30 09:17:46 發表
    你男朋友1月買得戒指,應該心裡面都有計劃既不過可能籌備當中,一係試探下佢口風啦因為誤會而嘈架,咁就唔好啦
    佢因為想影相,所以先買件道具
  • 舉報 回覆
  • No.10

最多能輸入300字

累積瀏覽 495773

全部攻略 711

全部回應 4285