![]()
|
|
帶手套執落膠袋
|
![]()
|
|
放入我家的垃圾桶
|
![]()
|
|
他家門口有四樣物件,一是天官賜福,二是地主,三是一大肚石佛,四是八卦
|
兩個多星期前,番工開車時見到我家左手邊的鄰居門外有隻好大隻的雀鳥比汽車車瓜咗,放工回家時又見到,本來一早想幫他們清理,不過返家後有好多事情做,加上臨近聖誕,朋友請我們去他家燒烤,又有鬼佬朋友請鋸扒,又帶小兒小女出外購物吃喝,玩完回家太晚天又黑,睇唔到此死雀鳥,所以忘記了幫他們清理,老妻同我講他們一家四口去越南旅行一個月,出門那天的早上他們就發覺此大雀鳥比車輾斃,不過他們信佛,認為出門旅行執拾動物屍是不吉利,所以由得佢.
我老妻話理得佢唔好執,等二至三月會有一次市政府掃街垃圾車來清理,依家執小心因住有禽流感,而且又唔吉利喎,我唔怕唔吉利,我唔信邪,唔信風水,亦唔信鬼神,要等到有政府清潔車來清理時,此死鳥己發出悪臭兼生蟲啦,破坏環境.我鄰居夫婦是越南華僑,男女都拜神燒香,我都好少同他們交談,只有我老妻和他們吹水.男的在 Toyota 車廠做了十多年,豐田車廠公佈 2017年就撤退澳洲搬去泰國,遣散費他有幾萬幫補,而我同人唔同命,到我退休時算自動離職,一毛錢都冇得補償,先前已有福特車廠結業,豐田走埋澳洲從此就再冇汽車工業,人工贵,税重經營困難,想唔搬都難咯.
============================================
感謝 wai 提供以上資料
wai的網誌: http://ngwai.blogspot.hk/
============================================
