人均消費：HKD$120
呢期出左糧，要好好獎勵下自己，搵間好野食下。呢間野前身係采蝶軒，前身就貴到傻。轉左個名，我都諗住佢會轉一轉路線，但食過就知道中伏。我自問唔係一個鐘意細細份既野，今餐食完後就更甚。一心去金朝陽中心二期，仲諗住新開張會有新野食，點知D點心超迷你，DD肉都食唔到，粉就一大舊。
菠蘿包咕嚕肉
差之首選，一件咕嚕肉+落個菠蘿包度，個菠蘿包又細又唔多菠蘿絲，我都唔知可以點形容，到咕嚕肉，舊粉仲大過個菠蘿包，味道方面就同你去茶記食咕嚕肉差唔多，仲有機會更加咸。所以都係唔好食。
咖哩小酥餅
顧名思義小酥餅，真係好少，你自己仲可以搞一餐，將D咖哩放係個小酥餅上，真係hihi auntie，連咖哩都要自己加，佢好就好在唔會咁快淋晒，但你俾咁貴，佢都唔幫你整埋，要自己郁手，差。個咖哩仲要好咸，一餐唔知咩事幹。
蛋白炒苦瓜
呢餐中最好食既就係蛋白炒苦瓜，佢個Feel 好Fresh，有別於街食到既苦瓜，我平時都好少食苦瓜，因為怕苦。今次係都有個大突破。
三文魚
不過不失，四個字講晒，呢餐野都係俾強國人睇，睇下佢地想幾豪。
光顧日期：29 August, 2014
地址 : 銅鑼灣登龍街1號金朝陽中心2期 8樓
Openrice :
http://www.openrice.com/restaurant/sr2.htm?shopid=168253
============================================
感謝 易風 提供以上資料
易風的網誌: http://yikfung.blogspot.hk/
============================================
