不一樣的幼兒課程, 以藝術帶領孩子學習與成長@Picasso

有睇開余媽媽手記嘅讀者可能都會知道

余小b都幾鍾意畫畫! 

(雖然好多時都唔知佢畫梗咩, 哈哈！)

上個月,我地獲邀到Picasso Creative Arts Gallery試堂。

大家見到Picasso呢個名可能都會

聯想到藝術。

其實Picasso Creative Arts Gallery提供

多元化的藝術課程予不同年齡的學生。

Picasso已有3間分校, 

分別設於坑口、調景嶺和天后。

今次我地到了新開張的天后分校試堂。

校舍地點方便, 鄰近港鐵天后站, 

落車只需步行約5鐘便到達了。

大厦有升降機直達, 非常方便。

(唯天后站出口沒有升降機直到地面, 

如果推BB車搭港鐵過來的話, 要注意這點)

有別於傳統的playgroup課程, 

Picasso  Creative Arts Gallery

會以藝術教育為中心, 

培養學生的創意和潛能。

入課室前, 我們先係接待處放低部BB車。

家長如果早到左, 

可以同小朋友係大梳化度玩吓或者休息吓。

同時,  亦可以一齊欣賞其他學生的美麗作品~

當老師示意可以進入課室時, 

余小b就以9秒9的速度衝左入課室了！

而且仲有「遊樂設施」(稍後再分享)。

環境很寬敞, 

課室的佈置除左很有藝術氣息外, 

仲給人一份好溫暖的感覺~

唔怪得余小b完全唔驚呢個陌生地方啦～

仲識得自己四圍探索添!

正式上堂了。。。

課堂由一位老師做主力, 

還有一位助教幫手~

對於余小b呢咁細個嘅小朋友來說, 

有兩位老師一齊上堂會比較容易管理課堂。

老師先同學生玩吓遊戲warm up吓！

原來就係玩呢期好受歡迎嘅動力沙~

小朋友見到呢盤「散沙」不知幾開心, 

自己自動自覺走去堆沙~

沙本身係無特定形態嘅, 

小朋友可以發揮創意, 

用呢d動力沙堆砌出不同造型和圖案。

係不知不覺間, 

其實已經鍛鍊梗小朋友的小手肌和觸感~

余小b都玩到唔肯放手~

當老師唱clean up song叫小朋友收拾時, 

余小b仲突然大喊起來! 

可見動力沙的魔力真係非常大啊~

之後, 老師帶領學生唱Hello song介紹自己。。。

熱身完畢後, 

就進入課堂的主要部分了！

12月的主題是冬天, 

所以當日老師教大家製作雪人公仔。

(無錯, 呢款就係余媽媽之前係度介紹過

嘅肥嘟嘟雪人公仔喇! 

我地係呢度學整㗎！)

小朋友都好專心咁聆聽老師的介紹~

輪到我地動手做喇!

原來把剃鬚膏和白膠漿混合, 

就可以整到呢種效果了！

做法好特別啊！

老師真係好有心思~

小朋友可以自由選擇自己喜歡的眼睛貼在雪人臉上。

好似余小b嘅作品咁, 

大細眼絕對無問題~

老師仲讚佢有創意添!

貼上鼻子、咀仔、小帽和圍巾就大功告成了！

呢件作品應該係我地暫時整過最複雜的親子勞作了！

余媽媽真的很喜歡它啊！

可愛又應節^ o ^

小朋友亦可以藉此認識到

跟冬天有關的事物和顏色,

有得玩又有野學, 好開心呢！

開心的時間過得特別快, 

又要同老師講bye bye了！

上完堂後, 我地經過另一個課室, 

被課室入面嘅畫作吸引住了! 

原來呢間房除左係課室外, 

仲係一個小型展館, 

好有藝術館feel呢~

而且呢d作品仲好有質素添!

來個小總結, 

余媽媽蠻喜歡呢度輕鬆嘅上堂方式, 

無壓力、不催促。。。

感覺就好像上了一堂加入了一些

playgroup元素的幼兒美術班, 

讓每位小朋友盡情地探索、

發揮無限創意~

而且老師很親和,

余小b也很喜歡他們唷!

要是余媽媽住港島區的話, 

相信一定會幫余小b報班啊！

以下是余媽媽對Picasso Creative Arts Gallery 的評分, 

希望可以給大家一個參考 (5分為最高)

校舍地點: 4.5分 (鄰近港鐵站, 交通方便)

學習環境: 5分(課室很寬敞, 設備完善)

校舍師資: 5分 (老師很友善, 且準備充足)

課堂安排: 5分 (課堂進行流暢, 主題清晰)

價錢: 4.5分 (價錢合理, 跟同區相若)

大家如有興趣, 

可以向Picasso Creative Arts Gallery

查詢課程內容!

更多資料, 

可以到佢地嘅Facebook專頁和網頁瀏覽~

Picasso 網頁:http://www.picasso.com.hk/

https://www.facebook.com/picassoartz