![]()
|
|
維多利亜省交通部
|
![]()
|
|
交通部內有好多各項事宜的小册子簡介,任人取閱
|
今個星期一下午放工時,幫網友 Shu 兄到Vic roads 即交通部查詢他已過期的駕駛執照,因這交通部位於我家的一條大直路上,每天返工放工都經過Vic roads ,可以說是順路,當日下午三時多到達,人比較多些,等候咗大约20分鐘,對上一次來已是四年多前,因駕駛執照換領新的有效期是10年期, 所以10年來一次, Shu 兄的墨爾本過期駕駛執照,只要持有新西蘭的就可以免試直接換領,除咗新西蘭之外,仲有美,加,歐洲十幾個國家,亜洲有日本仔,和新加坡,至於南非,台灣,南韓和香港特區的駕駛執照亦可免試換領,不過有條件就是持証人年齡要超過25歲以上.亜洲就只有呢幾個國家,非洲就只有南非,至於中南美就一個國家都冇,以前我去過的中美洲多明尼加,親眼見過朋友去考車牌,考泊車位泊在四條雪糕桶,就算泊得四正,若果唔識做,請下次再來考,若果識做,掃跌哂四條雪糕桶都唔覺有問題.
記得初移民來澳洲時,香港駕駛執照不獲承認,要從頭來過,考筆試又要考路試,我香港考車牌是過三關,驾駛技術尚算不錯,係呢度考好似食菜一樣,一上車考牌官叫直去前面第二個路口轉左,再前面第三個街口轉右,得啦返去啦,依家就難好多咯,因車多,人多,加上新移民太多,好多都是來自不獲承認駕照的國家,考時有幾條路缐,唔知考牌官要你行那一條路缐,而且要考埋泊位和 three points turn 即窄路掉頭,澳洲可以唔須要搵教車師傅,你花錢要搵亦可以,通常只要有一位正式牌照 full licence的駕駛者坐在你旁邊就可以,正式牌照即持有三年駕駛牌照以上.
============================================
感謝 wai 提供以上資料
wai的網誌: http://ngwai.blogspot.hk/
============================================
